პარლამენტთან მალხაზ მაჩალიკაშვილის და მოძრაობა „შევინარჩუნოთ სიცოცხლეს" კარვები დგას, ადგილზე რამდენიმე სამართალდამცველი იმყოფება

პარლამენტის წინ, სადაც გუშინ მოძრაობა „შევინარჩუნოთ სიცოცხლესა" და მალხაზ მაჩალიკაშვილს შორის დაპირისპირება მოხდა, ახლა სიმშვიდეა. როგორც მოძრაობის ერთ-ერთმა წევრმა ფრიდონ მერებაშვილმა „ინტერპრესნიუსს" განუცხადა, გუშინდელი გაუგებრობის შემდეგ რაიმე სახის დაპირისპირებას ადგილი არ ჰქონია. ის გუშინ მომხდარი შემთხვევის დეტალებზე არ საუბრობს. მისი თქმით, მან და კიდევ რამდენიმე ადამიანმა ღამე კარავში გაათენეს. ამ დროისთვის მათ კარავთან ორი ადამიანი იმყოფება.

მოძრაობის წევრების თქმით, პარლამენტის წინ იმ ფაქტს აპროტესტებენ, რომ პოლიტიკური პარტიები მიდიან და საზოგადოების სახელით საუბრობენ. მათივე განცხადებით, ისინი "ნაციონალური მოძრაობის“ ქმედებებს აპროტესტებენ.

რაც შეეხება მალხაზ მაჩალიკაშვილს, მან დღეს კომენტარი არ გააკეთა, თუმცა გუშინ განმარტა, რომ პირველი უთანხმოება მოძრაობის მიერ კარვის თემირლან მაჩალიკაშვილის ბანერის წინ დადგმამ გამოიწვია. მისი განცხადებით, ამის უფლებას არავის მისცემს. პარლამენტთან მალხაზ მაჩალიკაშვილის ორი კარავი დგას, რომელიც იზოლირებულია, მის გვერდით კი - მოძრაობა "შევინარჩუნოთ სიცოცხლეს". ადგილზე რამდენიმე სამართალდამცველი იმყოფება.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე