სოფო კილაძე ნიკა მელიას სადეპუტატო მანდატზე - პარლამენტმა აუცილებლად უნდა მიიღოს გადაწყვეტილება, რომელიც ადამიანურად ძალიან მძიმეა

პარლამენტმა აუცილებლად უნდა მიიღოს ის გადაწყვეტილება, რომელიც ადამიანურად არის ჩემთვის ძალიან მძიმე", - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ სოფო კილაძემ განაცხადა, რითაც ხვალ დაგეგმილ პროცესს გამოეხმაურა, რომლის დროსაც უნდა მოხდეს მსჯელობა ნიკა მელიას მიმართ სადეპუტატო მანდატის შეწყვეტასთან დაკავშირებით.

კილაძის თქმით, პარლამენტმა აუცილებლად უნდა მიიღოს გადაწყვეტილება, რომელიც ადამიანურად არის მძიმე.

„ჩემთვის, ადამიანურად ეს არ არის ადვილი გადაწყვეტილება, რომ ჩემს კოლეგას თუნდაც ოპოზიციიდან ეყრება კენჭი, რათა სადეპუტატო უფლებამოსილება შეუწყდეს. ეს, რა თქმა უნდა, ჩემთვის ძალიან რთულია, მაგრამ მეორე მხრივ, ჩვენ გვაქვს კონსტიტუცია და ეს სამწუხაროდ, არ ტოვებს არავითარ ადგილს იმისთვის, რომ ჩვენ მივიღოთ „კი“ ან „არა“ გადაწყვეტილება, ეს არის კონსტიტუციის კრიტერიუმებით დადგენილი ვალდებულება თუ არსებობს სასამართლოს ძალაში შესული გამამტყუნებელი განაჩენი, მაშინ პარლამენტმა აუცილებლად უნდა მიიღოს ის გადაწყვეტილება, რომელიც ადამიანურად არის ჩემთვის ძალიან მძიმე", -განაცხადა სოფო კილაძემ.

შეგახსენებთ, რომ ბანკი „ქართუს“ გაკოტრების საქმეზე, „ნაციონალური მოძრაობის" ერთ-ერთი ლიდერი, ნიკა მელია ერთ ეპიზოდში გამართლდა, მეორე ეპიზოდში - სამსახურეობრივი უფლებამოსილების ბოროტად გამოყენებაში კი მის მიმართ გამამტყუნებელი განაჩენი იქნა მიღებული. ნიკა მელიას 25 000 - ლარიანი ჯარიმა დაეკისრა. ასევე დამატებით სასჯელად 2 წლით და 3 თვის ვადით თანამდებობის დაკავების უფლება ჩამოერთვა. ნიკა მელიასთვის პარლამენტის წევრის მანდატის შეწყვეტის თაობაზე საკანონმდებლო ორგანომ უნდა იმსჯელოს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო