პრეზიდენტის განცხადება მე ასე გავიგე, რომ ჩვენი მთავარი იარაღი მაინც განათლება და კულტურაა, - ასე გამოეხმაურა პარლამენტის პირველი ვიცე-სპიკერი გია ვოლსკი პრეზიდენტის გუშინდელ განცხადებას.
ვოლსკის თქმით, ქართული ჯარი მოწინავე ჯარია, რომელიც საერთაშორისო სტანდარტებს აკმაყოფილებს.
„მემგონი თემა აქ აბსოლუტურად ნათელია. ჩვენი ჯარი არის მოწინავე მთელ მსოფლიოში და იმ სტანდარტის, რასაც ჰქვია საერთაშორისო სტანდარტი. მაგრამ ამ საკითხთან დაკავშირებით პრეზიდენტის განცხადება მე ესე გავიგე, რომ ჩვენი მთავარი იარაღი მაინც განათლება და კულტურაა, პრიორიტეტი არა ომი, არამედ განათლების განვითარების ხაზია. ომის მომხრეები რასაკვირველია არავინ არ ვართ“, - განაცხადა ვოლსკმა.
საქართველოს პრეზიდენტის განცხადებით, „ჩვენ არც ჯარი გვაქვს, არც იარაღი და არც გვექნება, არც ის დიდი ეკონომიკური პოტენციალი გვაქვს, რომ რეგიონი დავიპყროთ, მაგრამ ჩვენ გვაქვს ის ძლიერი იარაღი, რასაც ჰქვია ცოდნა, მეცნიერება, კულტურა“.