თამარ ხულორდავა ნიკა მელიასთვის მანდატის შეწყვეტის საკითხს მხარს არ დაუჭერს

დამოუკიდებელი დეპუტატი, საპარლამენტო უმრავლესობის ყოფილი წევრი თამარ ხულორდავა ნიკა მელიასთვის მანდატის შეწყვეტის საკითხს მხარს არ დაუჭერს. კითხვაზე, იკვეთება თუ არა მელიასთან დაკავშირებით პოლიტიკური მოტივი, დეპუტატი ამბობს, რომ მას გარკვეული კითხვები აქვს.

„პირადად მე ამას მხარს არ დავუჭერ. ეს არის ძალიან მნიშვნელოვანი, საფრთხილო გადაწყვეტილება და არ მაქვს საკმარისი ინფორმაცია იმისთვის, რომ ასეთი ტიპის გადაწყვეტილებას დავუჭირო მხარი. ეს არის ყველაფერი შეფასების საკითხი, ეს ბადებს გარკვეულ კითხვებს. ზოგადად სისხლის სამართლის საქმეს შეიძლება გარკვეული დრო დასჭირდეს. როცა ადამიანის მიმართ არ არის საპატიმრო ღონისძიება გამოყენებული, არის ხოლმე რომ გარკვეული დრო სჭირდება საქმის განხილვას, მაგრამ ძალიან უცნაური დამთხვევაა", - განაცხადა თამარ ხულორდავამ.

შეგახსენებთ, რომ ბანკი „ქართუს“ გაკოტრების საქმეზე, „ნაციონალური მოძრაობის" ერთ-ერთი ლიდერი, ნიკა მელია ერთ ეპიზოდში გამართლდა, მეორე ეპიზოდში - სამსახურეობრივი უფლებამოსილების ბოროტად გამოყენებაში კი მის მიმართ გამამტყუნებელი განაჩენი იქნა მიღებული. ნიკა მელიას 25 000 - ლარიანი ჯარიმა დაეკისრა. ასევე დამატებით სასჯელად 2 წლით და 3 თვის ვადით თანამდებობის დაკავების უფლება ჩამოერთვა. ნიკა მელიასთვის პარლამენტის წევრის მანდატის შეწყვეტის თაობაზე საკანონმდებლო ორგანომ უნდა იმსჯელოს.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით