ირაკლი ნადარეიშვილი ეკონომიკისა და მდგრადი განვითარების მინისტრის მოადგილედ დაინიშნა

ირაკლი ნადარეიშვილი ეკონომიკისა და მდგრადი განვითარების მინისტრის მოადგილედ დაინიშნა. ეკონომიკის სამინისტროს ინფორმაციით, ახალ პოსტზე ის კურირებას გაუწევს სამინისტროს სისტემაში შემავალ სამ სტრუქტურულ ქვედანაყოფს - სააგენტოს „აწარმოე საქართველოში“, საქართველოს ტურიზმის ეროვნულ ადმინისტრაციასა და საქართველოს ინოვაციებისა და ტექნოლოგიების სააგენტოს.

მინისტრის მოადგილე კოორდინაციას გაუწევს მეწარმეობის სტიმულირების სახელმწიფო პროგრამებში ჩართვის მსურველი კომპანიებისა და მოქალაქეების ერთი ფანჯრის პრინციპით მომსახურების პროცესს.

მინისტრის მოადგილედ დანიშვნამდე ირაკლი ნადარეიშვილს ეკონომიკისა და მდგრადი განვითარების სამინისტროს სისტემაში სხვადასხვა საპასუხისმგებლო პოსტი ეკავა. კერძოდ, 2018 – 2019 წლებში ის იყო სტრატეგიული ანალიზის ჯგუფის უფროსი, მოგვიანებით კი სსიპ სააგენტოს „აწარმოე საქართველოში“ დირექტორის მოადგილე.

სამინისტროს სისტემაში ირაკლი ნადარეიშვილი ბიზნესიდან მოვიდა. 2013 – 2016 წლებში ის საერთაშორისო კორპორაციის „Imperial Brands“ - ის კორპორაციული დირექტორი იყო კავკასიასა და მოლდოვაში, ხოლო 2017 – 2018 წლებში საკონსულტაციო კომპანიის „Penton&Gramercy LLC“ პარტნიორი და დირექტორი. ირაკლი ნადარეიშვილს სხვადასხვა წლებში ნამსახურები აქვს ისეთ საერთაშორისო და ადგილობრივ კომპანიებში, როგორიცაა „Ernst & Young LLC“, „IBG“, სადაზღვევო კომპანია „ალდაგი“, „იბერია დეველოპმენტი და სხვ.

ირაკლი ნადარეიშვილმა, რომელიც 1993 - 1998 წლებში ივანე ჯავახიშვილის სახელობის თბილისის სახელმწიფო უნივერსიტეტში სწავლობდა და ბაკალავრის ხარისხი საერთაშორისო ეკონომიკურ ურთიერთობებში მიენიჭა, 2007 – 2008 წლებში გაერთიანებულ სამეფოში „Oxford Brookes University“ - ში განაგრძო სწავლა, სადაც საერთაშორისო უძრავი ქონების მაგისტრის ხარისხი მიენიჭა.

ირაკლი ნადარეიშვილი დიდი ბრიტანეთის შემფასებელთა სამეფო საზოგადოების - Royal Institution of Chartered Surveyors წევრია.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო