დავით ბაქრაძე გიგი უგულავასა და გოკა გაბაშვილზე განხორციელებული თავდასხმის დროულ გამოძიებას და დამნაშავეების დასჯას ითხოვს

„ევროპული საქართველო“ პარტიის წევრებზე, გიგი უგულავასა და გოკა გაბაშვილზე განხორციელებული ინციდენტის დროულ გამოძიებასა და დამნაშავეების დასჯას ითხოვს.

როგორც დღეს გამართულ პრესკონფერენციაზე „ევროპული საქართველოს“ ლიდერმა დავით ბაქრაძემ განაცხადა, პარტიის წევრებზე განხორციელებული თავდასხმა არის იმ ძალადობრივი კლიმატის გაგრძელება და შედეგი, რომელიც დღეს ქვეყანაში „ქართულმა ოცნებამ“ შექმნა.

„ყველა ვხედავთ ხელისუფლების მიერ ორგანიზებული ძალადობრივი ჯგუფების მიგზავნას, ე.წ. კონტრაქციებს ოპოზიციის წინააღმდეგ, როცა ყველა ვხედავთ წლების განმავლობაში დაუსჯელ ძალადობას ოპოზიციური ლიდერებისა და განსხვავებულად მოაზროვნე ადამიანების წინააღმდეგ და ეს ხდება იმ ფონზე, როცა არსებობს მკაფიო კონტრასტი, როცა ხელისუფლების წინააღმდეგ ქუჩაში გამოსულ აქტივისტებს აპატიმრებენ ნებისმიერი საბაბით, როცა ადამიანებს იჭერენ აქციაზე შეშის მიტანისთვის, სასამართლოს წინ სიმბოლური პროტესტის სახით ლობიოს მარცვლების დაყრისთვის და არ აპატიმრებენ მოძალადეებს, ვინც ფიზიკურად ძალადობს, კამერების, სამართალდამცველების, პოლიციის თვალწინ, ძალადობს მშვიდობიან ადამიანებზე. ამ ყველაფრის გაგრძელებაა დღევანდელი ძალადობრივი ინციდენტიც“, - განაცხადა ბაქრაძემ.

მისივე თქმით, იმისგან დამოუკიდებლად ეს ადამიანები ხელისუფლების მიგზავნილები იყვნენ თუ ქმედება საკუთარი შეხედულებებიდან გამომდინარე ჩაიდინეს, მომხდარზე პასუხისმგებლობა მაინც ხელისუფლებას ეკისრება.

„მოვითხოვთ ამ საქმის გამოძიებას და იმ ადამიანების დასჯას, ვინც ამ ძალადობაშია დამნაშავე,“ - განაცხადა ბაქრაძემ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის