ირანი აშშ-ის სანქციებს გადალახავს, მათი გვერდის ავლით, ან მოლაპარაკებების გზით, - ამის შესახებ ირანის პრეზიდენტმა ჰასან რუჰანიმ განაცხადა.

მისივე თქმით, თეირანი არ გადაკვეთს „წითელ ხაზებს“ მის მთავარ მტერთან - ვაშინგტონთან, ნებისმიერ მოლაპარაკებებში.

„ხელისუფლება მოწოდებულია, დაამარცხოს მტერი ამერიკული სანქციების გვერდის ავლით, ან სხვა საშუალებებით, მათ შორის მოლაპარაკებების გზით, თუმცა ჩვენ წითელ ხაზებს არ გადავკვეთთ,“ - განაცხადა ირანის პრეზიდენტმა ირანის საინფორმაციო სააგენტო ISNA-თან საუბრისას.