ზუსტად არ ვიცი, როგორ ჟღერდა ციტატა ან რა იყო აზრი, მაგრამ როგორც გავიგე, ემსახურებოდა განათლების მნიშვნელობის ხაზგასმას, - ამის შესახებ საქართველოში ევროკავშირის ელჩმა კარლ ჰარცელმა სალომე ზურაბიშვილის ჯართან დაკავშირებით გაკეთებულ განცხადებაზე დასმული კითხვის საპასუხოდ განაცხადა.
მისივე თქმით, ეთანხმება განათლების მნიშვნელობის ხაზგასმას, რადგან სჯერა, რომ განათლება მნიშვნელოვანია ფაქტორია, რათა ქვეყანა იყოს უფრო ძლიერი, „რა თქმა უნდა, საქართველოს შეიარაღებული ძალების მიმართულებითაც“.
„ევროკავშირსაც აქვს სარგებელი აქედან, რადგან თქვენ იცით, რომ ქართველი ჯარისკაცები მუშაობენ მხარდამხარ ჩვენთან ცენტრალური აფრიკის რესპუბლიკასა და მალიში. მადლიერები ვართ ამ წვლილისთვის. ქართველი ჯარისკაცები ასევე ძალიან ეფექტურად მუშაობენ ავღანეთში ნატო-ს შეიარაღებულ ძალებთან ერთად. ცხადია, რომ ჩვენ გვყავს ძლიერი პარტნიორი საქართველოში შეიარაღებული ძალების მიმართულებით“, - განაცხადა კარლ ჰარცელმა.