გიორგი ბარამიძე - დაუყოვნებლივ გადადგეს სალომე ზურაბიშვილი დაკავებული თანამდებობიდან, წინააღმდეგ შემთხვევაში ვიწყებთ კონსულტაციებს იმპიჩმენტის წესით მისი გათავისუფლების საკითხზე

მოვითხოვთ, დაუყოვნებლივ გადადგეს სალომე ზურაბიშვილი დაკავებული თანამდებობიდან, წინააღმდეგ შემთხვევაში ვიწყებთ კონსულტაციებს იმპიჩმენტის წესით მისი გათავისუფლების საკითხზე, - ამის შესახებ „ნაციონალური მოძრაობის“ წევრმა, გიორგი ბარამიძემ ბრიფინგზე განაცხადა, სადაც პრეზიდენტ სალომე ზურაბიშვილის განცხადებას გამოეხმაურა.

ბარამიძე „ქართული ოცნების“ წევრებს მოუწოდებს, აღნიშნულ საკითხში ოპოზიციის წარმომადგენლებს შეუერთდნენ, თუ სურთ, რომ ლაქა, რომელიც ქვეყანას მიაყენეს, ნაწილობრივ მაინც ჩამოირეცხონ.

„მიუხედავად ივანიშვილის რეჟიმის მავნებლობისა სწორედ ამ ქართველი ოფიცრების პატრიოტიზმისა და პროფესიონალიზმის წყალობით ქართული ჯარი კვლავაც დგას ფეხზე და არის ქვეყანაში ერთ-ერთი ყველაზე მთავარი ინსტიტუტი, რომელსაც საზოგადოება მხარს უჭერს, ასევე ის არის ჩვენი ქვეყნის ნატო-ში გაწევრიანების ერთ-ერთი უმთავრესი ფაქტორი. ამ განცხადებიდან გამომდინარე სწორედ ამ ყველაფერს უღალატა სალომე ზურაბიშვილმა, ამიტომ ჩვენ მოვითხოვთ მისგან დაუყოვნებლივ გადადგეს დაკავებული თანამდებობიდან, წინააღმდეგ შემთხვევაში „ერთიანი ნაციონალურ მოძრაობა“, გაერთიანებული ოპოზიცია ვიწყებთ კონსულტაციებს სხვა ფრაქციებთან და დამოუკიდებელ დეპუტატებთან პარლამენტში, რათა დავიწყოთ სალომე ზურაბიშვილის პრეზიდენტობიდან იმპიჩმენტის წესით გათავისუფლების საკითხი. თუ უნდათ, რომ ამას შემოუერთდნენ „ქართული ოცნების“ წევრები და ნაწილობრივ მაინც ჩამოირეცხონ ის ლაქა, რომელიც მიაყენეს და პრობლემა შეუქმნეს ქვეყანას ამ ადამიანის გაპრეზიდენტებით, შეუძლიათ შემოგვიერთდნენ. ვიწყებთ კონსულტაციებს, რომ თუ არ გადადგება სალომე ზურაბიშვილი ყველაფერი გავაკეთოთ სამართლებრივად, რომ ეს ადამიანი ჩამოშორდეს დაკავებულ თანამდებობას“,- განაცხადა ბარამიძემ.

როგორც ბარამიძემ აღნიშნა, სალომე ზურაბიშვილის განცხადებებზე მთელი პასუხისმგებლობა „ქართულ ოცნებას“ ეკისრება.

„ეს განცხადება მორიგია , ამ ადამიანის სკანდალურ განცხადებებს შორის, როდესაც იგი პირდაპირ არღვევს საქართველოს კონსტიტუციას და ეწინააღმდეგება საქართველოს ეროვნულ ინტერესებს. ჩვენ ყველას გვახსოვს მისი მოღალატეობრივი არაერთი განცხადება იმასთან დაკავშირებით, რომ საქართველომ დაიწყო რუსეთთან ომი. ისიც ძალიან კარგად გვახსოვს, რომ ეს ადამიანი საქართველოს მოსახლეობას სპეციალური ოპერაციით, რომელიც ჩაატარა ხელისუფლებამ სუს-ის, პოლიციისა და ქურდული სამყაროს გამოყენებით, თავზე დაასვა ივანიშვილმა და მისმა „ქართულმა ოცნებამ“ და შესაბამისად, მთელი პასუხისმგებლობა ამ მავნებლური პიროვნების მავნებლურ და მოღალატეობრივ საქმიანობასთან დაკავშირებით, ბუნებრივია, ეკისრება „ქართულ ოცნებას“,- განაცხადა ბარამიძემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან