ბრაზილიის პრეზიდენტმა ჟაირ ბოლსონარუმ განაცხადა, რომ მას, სავარაუდოდ, კანის კიბო აქვს, - ამის შესახებ ინფორმაციას „როიტერსი“ ავრცელებს.
სააგენტოს ცნობით, ჟაირ ბოლსონარუმ ეს განცხადება ბრაზილიის ერთ-ერთ ჰოსპიტალში ვიზიტის შემდეგ გააკეთა. პრეზიდენტის თქმით, ექიმებმა მას სალვადორში დაგეგმილი ვიზიტის გაუქმება ურჩიეს.
განსხვავებულ ინფორმაციას ავრცელებს პრეზიდენტის ადმინისტრაცია. „პრეზიდენტი ჯანმრთელადაა, კანის კიბოს არანაირი სიმპტომი არ აქვს და მიმდინარე კვირის შეხვედრებს ჩვეულ რეჟიმში აგრძელებს,“- ნათქვამია მათ მიერ გავრცელებულ განცხადებაში.