თამარ ჩუგოშვილი მოსამართლეობის იმ კანდიდატებს ასახელებს, რომლებსაც კენჭისყრაში მონაწილეობის შემთხვევაში, მხარს დაუჭერს

უმრავლესობიდან გასული დეპუტატი, პარლამენტის ყოფილი პირველი ვიცე-სპიკერი უზენაესი სასამართლოს მოსამართლეობის იმ კანდიდატებს ასახელებს, რომლებსაც დღევანდელ კენჭისყრაში მონაწილეობის შემთხვევაში, მხარს დაუჭერს.

როგორც ჩუგოშვილმა „ინტერპრესნიუსთან“ ინტერვიუში განაცხადა, ეს კანდიდატები არიან თამარ ზამბახიძე, ნუგზარ სხირტლაძე და ლალი ფაფიაშვილი.

“თვეების განმავლობაში პარლამენტს პროცესი მიჰყავდა კარგად, იურიდიულ კომიტეტში ის მოსმენები, რომელიც იმართებოდა, იყო სწორი და კარგი, ამას ვამბობდი როცა ვიყავი უმრავლესობაში და ამას ვამბობ ახლა. პროცესი იყო კარგი, ამან ჩვენ მოგვცა შესაძლებლობა, რომ თითოეული კანდიდატის შესახებ გვცოდნოდა ყველაფერი და ახლა პროცესზე მნიშვნელოვანია შედეგი. თვეების განმავლობაში ამ განხილვებს მე პირადად ძალიან დეტალურად ვადევნებდი თვალს, ყველა სხდომას ვუყურებდი იმიტომ, რომ დიდ პასუხისმგებლობას ვგრძნობ თითოეული ადამიანის გამო, ვინც შეიძლება დაინიშნოს”, - განაცხადა ჩუგოშვილმა.

მისი თქმით, სწორედ ამ ღიაობამ აჩვენა ის, რომ კანდიდატებს შორის ზოგიერთი ძალიან პრობლემურია. ჩუგოშვილის განცხადებით, სიაში სულ რამდენიმე ადამიანია, რომელსაც პრობლემური საქმეები და მძიმე „ქეისები“, რომლებიც ბევრ კითხვას აჩენს, არ აქვს.

“ღიაობამ გვაჩვენა ის, რომ ძალიან ბევრი პრობლემური ადამიანი აღმოჩნდა ამ სიაში. აღმოჩდნენ ადამიანები, რომლებსაც აქვთ კომპეტენციის პრობლემა, აღმოჩნდნენ ადამიანები, რომლებსაც აქვს ფორმალური კრიტერიუმების შესაბამისობის პრობლემა, აღმოჩდნენ ადამიანები, რომლებსაც განცდა არ აქვთ და პასუხისმგებლობას ვერ გრძნობენ იმ მანკიერებებზე, რომელიც სასამართლო სისტემას ჰქონდა და რომელიც იყო ზედაპირზე. ამას ვერ გრძნობს იმათი ნაწილიც, ვინც დიდი ხანია ამ სისტემას წარმოადგენს, წინა ხელისუფლების დროსაც, ახლაც... არ შეიძლება ამდენი წელი მოსამართლე იყო და ან ვერ ხედავდე, ან ხედავდე პრობლემებს, რომელიც იყო სასამართლო სისტემაში და ამბობდე, რომ ეს შენ არ გეხება, ეს სხვისი პრობლემაა. მე რომ უმრავლესობაში დავრჩენილიყავი და მეთქვა, რომ ეს თქვენი პრობლემაა, ჩემი პრობლემა არ არის, აქ რაც გაფუჭდება, ეს ხომ არ არის ჯანსაღი და პასუხისმგებლიანი დამოკიდებულება? ასეთი ადამიანი მომავალშიც ისევ არ მიაქცევს ან იგნორირებას გააკეთებს არასწორ პროცესებზე, მიყვება ამას, როგორც აქამდე მიყვებოდა. ამიტომ არსებობს ეს კრიტერიუმები, რითიც შეიძლება რომ შევაფასოთ ეს ადამიანები და ამ კრიტერიუმებით რომ ვაფასებთ, რჩება სულ სამი-ოთხი ადამიანი, რომელიც დანიშვნას იმსახურებს, რომელიც პროფესიონალურადაც კარგად გაუმკლავდა, პრობლემური საქმეები და მძიმე „ქეისები“, რომლებიც მძიმე კითხვებს აჩენს, არ აქვს და დამოკიდებულება აქვს პასუხისმგებლიანი. სულ რამდენიმე ადამიანი რჩება. უმრავლესობა შეიძლება ამბობს, რომ 19-ვეს არ დანიშნავს, მაგრამ თუ დანიშნავს17-ს ან 16-ს, ეს იგივეა, ეს ნიშნავს, რომ ყველა დანიშნო”, - აღნიშნა ჩუგოშვილმა.

ის მოუწოდებს კოლეგებს, პასუხისმგებლობით მოეკიდონ კანდიდატების არჩევის საკითხს.

“მინდა ვთხოვო კოლეგებს, რომ მაქსიმალური პასუხისმგებლობით მოეკიდონ თითოეულ ადამიანს, რომელსაც ხმას მისცემენ იმიტომ, რომ ალბათ, ყველაზე საპასუხისმგებლო გადაწყვეტილებაა, აი, კონსტიტუციაზე საპასუხისმგებლო გადაწყვეტილება შეიძლება აღმოჩნდეს ზუსტად მოსამართლეებად ახლა ვის განვამწესებთ იმიტომ, რომ ათწლეულების განმავლობაში ქვეყნის ბედი იქნება ამ ადამიანების ხელში”, - განაცხადა ჩუგოშვილმა.

თამარ ჩუგოშვილთან ინტერვიუს სრულ ვერსიას „ინტერპრესნიუსი“ რამდენიმე საათში შემოგთავაზებთ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს