ირაკლი კობახიძე - 7 წელია გასული და დესტრუქციიდან ვერ გამოვიდა ერთი კონკრეტული პოლიტიკური ძალა, მათ თავიანთი ცოდვები აქვთ ზურგს უკან

„განცხადება, რომელიც გაკეთდა საარჩევნო სისტემასთან დაკავშირებით, გაკეთდა კონკრეტულ კონტექსტში და ერთ-ერთი მთავარი მიზანი ამ განცხადების ის იყო, რომ დესტრუქცია ოპოზიციას შეეწყვიტა “,- ამის შესახებ პარლამენტის ყოფილმა თავმჯდომარემ ირაკლი კობახიძემ ჟურნალისტებთან საუბრისას განაცხადა.

მისი თქმით, ხელისუფლება ბოლომდე მიყვა ამ გადაწყვეტილებას, თუმცა საბოლოო ჯამში, ვერ მოხერხდა პროპორციულ საარჩევნო სისტემაზე კანონპროექტისთვის ხმის მიცემა.

„იყო სურათი, რომელიც არ იყო მაინცდამაინც ლამაზი და გვინდოდა, რომ ოპოზიციას შეეწყვიტა დესტრუქცია, თუმცა გახსოვთ, რომ 3 თვე გააგრძელეს აქციები და ქუჩაში იყვნენ, სანამ არ შემოეშალათ ორ-სამ კაცამდე აქციები. რაც შეეხება საარჩევნო სისტემას, საარჩევნო სისტემაზე მოთხოვნა იყო დაყენებული პოლიტიკური პარტიების მხრიდან, გაკეთდა განცხადება და ხაზს გავუსვამ, რომ ეს არ იყო კონკრეტული პარტიებისთვის მიცემული დაპირება. არსებული კონტექსტის გათვალისწინებით, გამოცხადდა კონკრეტული გადაწყვეტილება და ჩვენ ბოლომდე მივყევით ამ გადაწყვეტილებას, მაგრამ საბოლოო ჯამში ვერ მოხერხდა ამ კანონპროექტისთვის ხმის მიცემა, ეს არის რეალობა“, - განაცხადა კობახიძემ.

მისივე განცხადებით, „ნაცმოძრაობა“ თუ არ იქნება პოლიტიკურ სისტემაში წარმოდგენილი, ამ შემთხვევაში ბევრად უფრო სწრაფად განვითარდება ქართული დემოკრატია და ჯანსაღ პოლიტიკურ პარტიებს მიეცემათ განვითარების საშუალება“.

„როდესაც ამდენი კრიმინალური მოქმედება გაქვს განხორციელებული და დღეს ერთ-ერთი გადაწყვეტილება სწორედ „ნაცმოძრაობის“ მიერ ჩადენილი კრიმინალს ეხება, რომელიც პარლამენტმა უნდა მიიღოს, როდესაც ნიკანორ მელია აკოტრებდა „ქართუ ბანკს“, ჩვეულებრივი კრიმინალები არიან და როდესაც გაქვს კრიმინალური „ბექგრაუნდი”, ასეთ დროს დესტრუქციიდან გამოსვლა ძალიან ჭირს. 7 წელია გასული და დესტრუქციიდან ვერ გამოვიდა ერთი კონკრეტული პოლიტიკური ძალა, რაც არის ძალიან ცუდი ყველაფრისთვის, მაგრამ რა ვუყოთ? მათ აქვთ თავიანთი ცოდვები ზურგს უკან და შესაბამისად, ძალიან უჭირთ ამ ყველაფრიდან გამოსვლა“, - განაცხადა კობახიძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ