კენჭისყრა არ უნდა ჩატარდეს, ნებისმიერი გადაწყვეტილება იქნება უკანონო, მოსამართლეები იქნებიან უკანონოდ დანიშნულები, - ამის შესახებ „ნაციონალური მოძრაობის“ დეპუტატმა რომან გოცირიძემ განაცხადა.

ის მედიასთან კომენტარს სხდომათა დარბაზში უზენაესი სასამართლოს მოსამართლეების კენჭისყრის პარალელურად აკეთებდა. თავდაპირველად ის ანრი ოხანაშვილის მაგიდის წინ დადგა და საუბარი დაიწყო, თუმცა, შემდეგ მანდატურებმა და კომიტეტის თავმჯდომარემ მას ადგილის შეცვლისკენ მოუწოდეს.

„ქართულ ოცნებას“ სურს ბიძინა ივანიშვილს საახალწლოდ მიართვას ორი საჩუქარი, მოსამართლეების დასმა და ნიკა მელიას გაგდება პარლამენტიდან. პლენარული სხდომაც უნდა გადაიდოს და დღეს არ უნდა გაიმართოს,“ - განაცხადა გოცირიძემ.