რომან გოცირიძე დეპუტატებს  აფრთხილებს, რომ მელიასთვის უფლებამოსილების შეწყვეტისთვის მხარდაჭერის შემთხვევაში, მათ სურათებს პარლამენტის ფოიეში "სამარცხვინო დაფაზე" გამოაკრავს

ფრაქცია "ნაციონალური მოძრაობის" თავმჯდომარის რომან გოცირიძის განცხადებით, იმ შემთხვევაში თუ ნიკა მელიასთვის უფლებამოსილების შეწყვეტას დეპუტატები მხარს დაუჭერენ, ის პარლამენტის ფოიეში ამ დეპუტატების ფოტოებს "სამარცხვინო დაფაზე" გამოაკრავს. გოცირიძე ამ წუთებში კენჭისყრის შედეგებს პარლამენტის დერეფანში მედიის წარმომადგენლებთან ერთად ელოდება.

„ველოდები კენჭისყრის გადაწყვეტილებას. ყველა დეპუტატი, ვინც მისცემს ხმას ნიკა მელიასთვის უფლებამოსილების შეჩერებას, იქნება სამარცხვინო დაფაზე გამოკრული. მე პირადად გავაკრავ ამ კედელზე და დავწერ ფლომასტერით "უღირსთა დაფა". დღეს იქნება არაკონსტიტუციური გადაწყვეტილება, ვინაიდან წინ არის მეორე და მესამე ინსტანციის გადაწყვეტილება. იმ შემთხვევაში თუ ნიკა მელიას სასამართლო გაამართლებს, ამბობენ, რომ დააბრუნებენ და განაცდურს მისცემენ. ასეთი ცინიკური განმარტებები გააკეთეს. დღეს უზარმაზარი ზიანი მიიღო "ქართულმა ოცნებამ" ერთი მხრივ, ნიკა მელიას პოლიტიკური დევნისა და პარლამენტიდან გაძევების სახით, მეორე მხრივ, იმ მოსამართლეების დანიშვნით, რომლებიც პირდაპირ მოემსახურება ივანიშვილს და მის „კლანს“. ფაქტობრივად, აუნაზღაურებელი ზიანი მიიღო "ქართულმა ოცნებამ",- განაცხადა გოცირიძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ