20 ივნისის საქმეზე დაკავებული მორის მაჩალიკაშვილის საქმის მოსამართლემ პროკურორ ვაჟა თოდუას თხოვნით მიმართა, შემდეგ სხდომაზე მტკიცებულებები წარადგინოს, თუ რატომ უნდა დარჩეს მაჩალიკაშვილი კვლავ პატიმრობაში, წინააღმდეგ შემთხვევაში, ის სხვა გადაწყვეტილებას მიიღებს.

მოსამართლემ დღევანდელ სასამართლო სხდომაზე მორის მაჩალიკაშვილის მიმართ შეფარდებული აღკვეთის ღონისძიება - პატიმრობა ძალაში დატოვა. როგორც მოსამართლემ განმარტა, იმის სამართლებრივი საფუძველი, რომ აღკვეთის ღონისძიება შეეცვალა, არ ჰქონდა.

„მომდევნო სხდომებისთვის ბატონ ვაჟა თოდუასთან თხოვნა მექნება, წარმოადგინოს მტკიცებულებები, რაც პატიმრობის ყოფნას გაამართლებს, წინააღმდეგ შემთხვევაში, მსჯელობისას შესაძლოა, განსხვავებული გადაწყვეტილება მივიღო", -განაცხადა მგელიაშვილმა.

მორის მაჩალიკაშვილის საქმეზე მორიგი სასამართლო სხდომა 26 დეკემბერს, 16:00 საათზე გაიმართება.