არჩილ თალაკვაძე - იურიდიული კომიტეტის სხდომა რთული იყო, სხვადასხვა მხარეს მისი ჩაშლის მცდელობა ჰქონდა

პარლამენტის თავმჯდომარე არჩილ თალაკვაძე აცხადებს, რომ იურიდიულ საკითხთა კომიტეტის სხდომა, სადაც უზენაესი სასამართლოს მოსამართლეობის კანდიდატებს კენჭი უყარეს, იყო რთული და სხვადასხვა მხარეს მისი ჩაშლის მცდელობა ჰქონდა.

„რა თქმა უნდა, კომიტეტის სხდომა იყო რთული, სხვადასხვა მხარეს ჰქონდა მისი ჩაშლის მცდელობა და ამას შემდეგ მოჰყვა ის დაპირისპირება, რომელიც ვნახეთ. თუმცა კარგია, რომ კომიტეტის თავმჯდომარემ შეძლო სხდომის გაგრძელება, როგორც ამას რეგლამენტი ითვალისწინებდა და სხდომა დაასრულა ისე, როგორც პარლამენტში დადგენილი წესები გულისხმობს“, - აცხადებს თალაკვაძე.

მისივე თქმით, კომიტეტმა დღეს ჩაატარა სხდომა და მიიღო გადაწყვეტილება ისე, როგორც კომიტეტის წევრები ფიქრობდნენ.

„როგორც ნახეთ რეალურად კომიტეტმა მხარი დაუჭირა 12 ახალ კანდიდატურას უზენაეს სასამართლოში გასამწესებლად და 2 კანდიდატურას, რომლებიც არიან მოქმედი მოსამართლეები უზენაეს სასამართლოში. ესაა პრაქტიკულად, ვაკანსიების ნახევარი, შესაბამისად, სავარაუდოდ, შემდეგ პარლამენტს დარჩება მეორე ნახევარი ვაკანსიების უზენაეს სასამართლოში“, -აცხადებს არჩილ თალაკვაძე.

ცნობისთვის, იურიდიულ საკითხთა კომიტეტმა უზენაესი სასამართლოს მოსამართლეობის კანდიდატებს კენჭი უყარა. დეპუტატებმა წარმოდგენილი 20 კანდიდატიდან მხარი 14 მათგანს დაუჭირეს, მათ შორის არიან გენერალური პროკურორი შალვა თადუმაძე და მისი მოადგილე მამუკა ვასაძე.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას