"ევროპული საქართველოს" ერთ-ერთი ლიდერის, ბრალდებული გიგი უგულავას საქმის განხილვა 19:00 საათამდე გადაიდო. აღნიშნულის მიზეზი სხდომაზე დაცვის მხარის გამოუცხადებლობა გახდა.

როგორც თბილისის საქალაქო სასამართლოს მოსამართლე ზვიად შარაძემ განაცხადა, იმ შემთხვევაში, თუკი, სასამართლოს მიერ განსაზღვრულ ვადამდე ადვოკატი არ გამოცხადდება, ამ შემთხვევაში, გიგი უგულავას იურიდიული დახმარების ბიუროდან ადვოკატი დაენიშნება.

"გამოცხადდეს შესვენება. აღნიშნულის შესახებ ეცნობოს დაცვის მხარეს. თუკი, ადვოკატი 19:00 საათამდე არ გამოცხადდება, სახაზინო ადვოკატი დაენიშნოს", - განაცხადა შარაძემ.