„ნაცსექტა“ ამ მოსამართლეებს მაშინ დაუპირისპირდა, როცა კუბლაშვილმა სასამართლო გადატრიალების მოხდენა ვერ შეძლო,- ამის შესახებ პარლამენტის პირველმა ვიცე- სპიკერმა გია ვოლსკიმ ჟურნალისტებს განუცხადა.

ვოლსკის თქმით, მათი ხელისუფლების პირობებში, საერთაშორისო რეიტინგებით, სასამართლო მოწინავე ადგილზეა.

"მნიშვნელოვანია, სიღრმისეულად გაანალიზება, თუ როდის დაუპირისპირდა ეს „ნაცსექტა“ იმ ადამიანებს, რომლებსაც პრაქტიკულად ყოველთვის მხარს უჭერდა - იმის შემდეგ, როდესაც კუბლაშვილმა ვერ მოახერხა სასამართლო მათ ჭკუაზე დაეყენებინა, ვერ მოახერხა თავიდან აეცილებინა გადაწყვეტილებები "ნაცმოძრაობის'' ლიდერების გასამართლებასთან დაკავშირებით, არ მოელოდნენ ამას და ვერ მოახერხა სასამართლო გადატრიალების მოხდენა. ამის მერე, სადღაც 2014-2015 წელს „ნაცმოძრაობა“ დაუპირისპირდა იმ სასამართლოს, რომელსაც საერთაშორისო რეიტინგებით მოწინავე ადგილი უკავია ჩვენი ხელისუფლების პირობებში, "- განაცხადა გია ვოლსკიმ.