თბილისის მერი კახა კალაძე პრემიერ - მინისტრის, გიორგი გახარიას მიერ სუამ-ის სახელმწიფოების მთავრობის მეთაურთა შეხვედრის შემდეგ საერთო პრესკონფერენციის რუსულ ენაზე გამართვაში პრობლემას ვერ ხედავს. ამის შესახებ კალაძემ ჟურნალისტებს დასმული კითხვის საპასუხოდ განუცხადა. მედიის წარმომადგენლები დაინტერესდნენ, რამდენად მიზანშეწონილია პრემიერის მიერ ოკუპანტი სახელმწიფოს ენაზე საუბარი, რაზეც კალაძემ განაცხადა, რომ ამაში პრობლემური არაფერია.

„მე პრობლემას ვერ ვხედავ, იმის გათვალისწინებით, რომ იქ ყველა რუსულ ენაზე საუბრობდა და პრობლემური აქ ნამდვილად არაფერია“, - განაცხადა კალაძემ.

საქართველოს პრემიერ-მინისტრის ორდღიანი ოფიციალური ვიზიტი უკრაინაში გუშინ დაიწყო.