ევროსაბჭოს მონიტორინგის ჯგუფის თანამომხსენებლები უზენაეს სასამართლოში 14 მოსამართლის დანიშვნასთან დაკავშირებით მწუხარებასა და იმედგაცრუებას გამოთქვამენ

ევროპის საბჭოს საპარლამენტო ასამბლეის საქართველოს მონიტორინგის ჯგუფი მოსამართლეების დანიშვნასთან დაკავშირებით განცხადებას აქვეყნებს.

ევროსაბჭოს საპარლამენტო ასამბლეის საქართველოს მონიტორინგის ჯგუფის თანამომხსენებლები, ტიტუს კორლატეანი და კლოდ კერნი მწუხარებასა და იმედგაცრუებას გამოთქვამენ უზენაეს სასამართლოში 14 მოსამართლის დანიშვნაზე, რომელიც მათი თქმით, საერთაშორისო საზოგადოების რეკომენდაციებს, მათ შორის ასამბლეის რეკომენდაციებს, ეწინააღმდეგება.

„სექტემბერში ჩვენი ვიზიტის ფარგლებში ჩვენ გამოვხატეთ სერიოზული შეშფოთება გაუმჭვირვალობასა და იუსტიციის უმაღლესი საბჭოს მიერ უზენაესი სასამართლოს მოსამართლების კანდიდატების შერჩევის პროცესთან დაკავშირებით. ამასთან, ჩვენ იმედს გამოვთქვამდით, რომ პარლამენტი გამოასწორებდა მოსამართლეთა შერჩევის პროცესის ნაკლოვანებებს“, - წერია განცხადებაში.

განცხადებაში ასევე ნათქვამია, რომ პარლამენტმა 19 კანდიდატიდან 14 სათანადო მიზეზის გარეშე დანიშნა და მათ შორის არიან ისეთი პიროვნებები, რომლებსაც შესაბამისი ცოდნა და დამოუკიდებლობა არ გააჩნიათ.

„არსებული მდგომარეობის განმეორებით თავიდან ასაცილებლად აუცილებელია ვენეციის კომისიის რეკომენდაციების გათვალისწინება. მათ შორისაა ერთიანი კრიტერიუმის გამოყენება, დასაბუთებული გადაწყვეტილებები და ფარული კენჭისყრის გაუქმება“, - ნათქვამია განცხადებაში.

არსებული ვითარებიდან გამომდინარე, ევროსაბჭოს საპარლამენტო ასამბლეის საქართველოს მონიტორინგის თანამომხსენებლები საქართველოს მომდევნო წლის დასაწყისში კვლავ ეწვევიან.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“