ინგა გრიგოლიას ინფორმაციით, „ქართული ოცნების“ აქციის დასრულების შემდეგ, „ტვ პირველის“ ჟურნალისტს და ოპერატორს გაურკვეველი პირები თავს დაესხნენ

„ტვ პირველის“ დირექტორის ინგა გრიგოლია ინფორმაციით, „ქართული ოცნების“ ღონისძიების დასრულების შემდეგ „ტვ პირველის“ ოპერატორს და ჟურნალისტს ფიზიკური შეურცხყოფა მიაყენეს. როგორც ინგა გრიგოლიამ „ინტერპრესნიუსს“ განუცხადა, ტელეკომპანიის ჟურნალისტი და ოპერატორი თაბუკაშვილის ქუჩაზე მდებარე პოლიციის განყოფილებაში გამოკითხვაზე იმყოფებიან.

ინგა გრიგოლიას ინფორმაციით, ჟურნალისტი კითხვას უსვამდა „ქართული ოცნების“ ღონისძიებიდან წამოსულ ქალბატონებს, როდესაც მათ გაურკვეველი პირები თავს დაესხნენ.

„გაურკვეველი, ნაძირალა ტიპები თავს დაესხნენ ჩვენს ჟურნალისტს და ოპერატორს. „ნაციონალები“ ეძახეს და ფიზიკურადაც შეეხნენ ჩვენს ოპერატორს. ზოგადად, ბოლო დღეებში ისეთი აგრესიაა „ტვ პირველის“ ჟურნალისტების მიმართ, ხან ტენდენციურობაში გვადანაშაულებენ და ხან სუბიექტურობაში. ეს ეტყობა წვრილფეხობამაც გადაიღო თავიანთი უფროსებისგან. სამწუხარო კი ის არის, რომ ლიდერები, როდესაც ამ ტიპის განცხადებებს აკეთებენ ჩვენი ან სხვა ჟურნალისტების მიმართ, ვერ აცნობიერებენ, რომ ამას შეიძლება ასეთი შედეგი მოჰყვეს“, - განაცხადა ინგა გრიგოლიამ.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 20.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება