„ნაციონალური მოძრაობის" ერთ- ერთი ლიდერი გრიგოლ ვაშაძე ამბობს, რომ დღევანდელ შეხვედრაზე სავარაუდოდ, ხელისუფლება შეურაცხმყოფელ წინადადებას გააჟღერებს. მისივე თქმით, ოპოზიცია მოლოდინის რეჟიმშია, როდის ამოეწურება მოთმინება ხელისუფლებას, რომ კონსტრუქციულ წინადადებას დათანხმდეს.
"არავითარი ოპტიმისტური მოლოდინი არ მაქვს, იმიტომ, რომ მოლოდინის რეჟიმში ვართ, როდის ამოეწურებათ მოთმინება ხელისუფლების წარმომადგენლებს და როდის დათანხმდებიან რაიმე კონსტრუქციულს. თუმცა, უფრო იმის მოლოდინი მაქვს, რომ მოიტანენ რაღაც აბსოლუტურად მიუღებელს, რომელიც შეურაცხყოფის და დაცინვის ზღვარზე იქნება,"- განაცხადა გრიგოლ ვაშაძემ.