ლონდა თოლორაია - ბავშვებთან დაკავშირებით თუ რაიმე დეტალზე არ ვსაუბრობ, ეს ემსახურება მხოლოდ არასრულწლოვნების ინტერესებს და არცერთ შემთხვევაში გამოძიების ინტერესებს

სახელმწიფო ინსპექტორმა ლონდა თოლორაიამ დღევანდელ ბრიფინგზე ხაზი გაუსვა არასრულწლოვნების ინტერესების დაცვას.

„მე კიდევ ერთხელ ვიმეორებ მართლა ვწონი ყველა სიტყვას რომელსაც ამ საქმესთან დაკავშირებით ვამბობ, თქვენ გესმით ალბათ, რომ ამ ბავშვს ყავს მშობელი, ახლობლები ნათესავები და კიდევ არიან სხვა ბავშვები, შესაბამისად თუ რაიმე დეტალზე ბავშვებთან დაკავშირებით არ ვსაუბრობ ეს ემსახურება მხოლოდ არასრულწლოვნების ინტერესებს და არცერთ შემთხვევაში გამოძიების ინტერესებს“ , - განაცხადა ლონდა თოლორაიამ.

ინსპექტორის თქმით, გამოძიება გრძელდება და მომდევნო დღეებში ყველა ახალი დეტალის შესახებ საზოგადოებას ეცნობება.

„მე დღეს რომ ვისაუბრო იმ ადამიანების ბრალეულობაზე რომელთა მიმართაც დღეს არანაირი გადაწყვეტილება მიღებული არც ამ სამსახურის და არც პროკურატურის მხრიდან მიღებული არ არის, კიდევ ერთხელ ვიმეორებ ჩემი მხრიდან იქნება ეს ძალიან არაპროფესიონალური საქციელი. დღეს რომ არსებობდეს შესაბამისი მტკიცებულებები დასაბუთებული ვარაუდის სტანდარტის სხვა პირთა წინააღმდეგ აუცილებლად იქნებოდა ეს გადაწყვეტილება მიღებული მათ მიმართაც“ ,- განაცხადა თოლორაიამ.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით