ამ ეტაპზე პოლიტიკური გეგმები არ მაქვს, რომ მექნება გაიგებთ, - ასე უპასუხა იუსტიციის უმაღლესი საბჭოს არამოსამართლე წევრმა, ანა დოლიძემ, „ინტერპრესნიუსის“ კითხვას, აქვს თუ არა მას პოლიტიკური გეგმა.

როგორც დოლიძემ აღნიშნა, ის კონკრეტულ საკითხებზე, მათ შორის, კაზინოების რეგულირებისთვის, წამლების გაიაფებისთვის, სასამართლოს თავისუფლებისთვის იბრძვის და ამ საკითხებზე პარტიასთან „ლელო საქართველოსთვის“ თანამშრომლობას მიესალმება.

„მე დღეს აქ ვარ მოსული სტუმრის სტატუსით. როგორც სხვა ბევრ ადამიანს, მაინტერესებს „ლელოს“ ხედვა, გეგმა, სტრატეგია, ადამიანები, რომლებიც არიან „ლელოში“. ტაქტიკურად, ძალიან ბევრ თემებზე იცით თქვენ ჩემი ბრძოლები, კაზინოების რეგულირებისთვის, წამლების გაიაფებისთვის, სასამართლოს თავისუფლებისთვის, თუ ამ თემებში ჩვენ ვითანამშრომლებთ, მხოლოდ მივესალმები. ამ ეტაპზე გეგმები მაქვს კონკრეტულად იმ საკითხთან დაკავშირებით, რა თემებზეც მე ვიბრძვი. ამის იქეთ მე გეგმები არა მაქვს. რომ მექნება თქვენ გაიგებთ“, - განაცხადა ანა დოლიძემ.