ცენტრი „ემპათია“ საქართველოს სახელმწიფო ინსპექტორს მიმართავს

არასამთავრობო ორგანიზაცია ცენტრი „ემპათია“ საჯაროდ მიმართავს საქართველოს სახელმწიფო ინსპექტორს ლონდა თოლორაიას, ლუკა სირაძის სუიციდის ფაქტთან დაკავშირებით.

„ინტერპრესნიუსი“ მიმართვას უცვლელად გთავაზობთ:

„ქალბატონო ლონდა, მოგახსენებთ, რომ ჩვენი ცენტრის მიერ განხორციელდა საჯარო ინფორმაციის შესწავლა ლუკა სირაძის სუიციდის ფაქტთან დაკავშირებით.

მოგიწოდებთ, გარდაცვლილი არასრულწლოვანის ლუკა სირაძის სამეზე გამოძიება დაიწყოთ საქართველოს სსკ - ის 144 1 მუხლით, შემდეგი გარემოებების გათვალისწინებით:

  1. სუიციდის ფაქტი დროში კავშირში იმყოფება პოლიციაში დაკითხვის ფაქტთან, ასევე გავრცელებული ინფორმაციით, მოზარდთა სრულიად უკანონო დაპირისპირებას მოჰყვა სხვა არასრულწლოვანის მხრიდან თვითდაზიანების ფაქტიც.
  2. არასრულწლოვანზე სავარაუდოდ განხორციელდა ფსიქოლოგიური ზემოქმედება, ძმის მიმართ მუქარის, შანტაჟის ელემენტებისა და არასრულწლოვანთა დაპირისპირების სახით, განსაკუთრებით საყურადღებოა სამედიცინო დახმარების აღმოჩენაზე უარის თქმა.
  3. აღნიშნული დაკითხვის მიზანს შეადგენდა აღიარებითი ჩვენების მოპოვება
  4. აღნიშნულ დაკითხვა - „გამოკითხვას“ ესწრებოდა სხვა პოლიციის თანამშრომლებიც.

აქვე მოგვყავს წამების დეფინიცია

„კონვენცია წამებისა და სხვა სასტიკი, არაადამიანური ან ღირსების შემლახავი მოპყრობის და დასჯის წინააღმდეგ“ მუხლი 1 - ის შესაბამისად (ძალაშია 1994 წლის 25 ნოემბრიდან საქართველო შეუერთდა პარლამენტის 22.12.1994 წლის N 1493 დადგენილებით საქართველოს პარლამენტის 07.07.2002 წლის N 1493 დადგენილებით კონვენციის 21-ე და 22-ე მუხლების მოთხოვნათა შესაბამისად საქართველო აღიარებს კონვენციით გათვალისწინებულ წამების საწინააღმდეგო კომიტეტის კომპეტენციას).

მუხლი 1

  1. ამ კონვენციის მიზნებისათვის, ტერმინი „წამება“ ნიშნავს ნებისმიერ ქმედებას, რომლითაც ამა თუ იმ პირს განზრახ მიეყენება ძლიერი ტკივილი ან ტანჯვა, ფიზიკური ან სულიერი, ისეთი მიზნებით, როგორიცაა მისგან ამ მესამე პირისგან ინფორმაციის ან აღიარების მოპოვება, მისი დასჯა ქმედებისათვის, რომელიც მან ან მესამე პირმა ჩაიდინა, ან რომლის ჩადენაშიც ეჭვმიტანილია, ან მისი ან მესამე პირის დაშინება ან იძულება, ან ნებისმიერ იხასიათის დისკრიმინაციაზე დაფუძნებული ნებისმიერი მიზეზით, როდესაც ამგვარი ტკივილი ან ტანჯვა მიყენებულია სახელმწიფო თანამდებობის პირის, ან ოფიციალური თანამდებობით მოქმედი სხვა პირის მიერ, ან მისი წაქეზებით, ან მისი ნებართვით, ან მისი უსიტყვო თანხმობით. იგი არ მოიცავს ტკივილს ან ტანჯვას, რომელიც მხოლოდ კანონიერი სანქციების შედეგად წარმოიქმნება, არსებითად განუყოფელია მათგან, ან მათი თანმდევია.
  2. ეს მუხლი ზიანს არ აყენებს რომელიმე საერთაშორისო დოკუმენტს ან ეროვნულ კანონმდებლობას, რომელიც შეიცავს ან შეიძლება შეიცავდეს დებულებებს უფრო ფართო გამოყენების თაობაზე.

მუხლი 4

  1. თითოეული მხარე - სახელმწიფო უზრუნველყოფს, რომ წამების ყველა აქტი მისი სისხლის სამართლებრივი კანონმდებლობის მიხედვით განიხილებოდეს, როგორც დანაშაულები. იგივე შეეხება წამების აქტის ჩადენის მცდელობასა და ნებისმიერი პირის ქმედებას, რომელიც წამებაში თანამონაწილეობას ან მონაწილეობას წარმოადგენს.
  2. თითოეული მხარე - სახელმწიფო აწესებს სათანადო სასჯელებს ამგვარი დანაშაულებისთვის, მათი მძიმე ხასიათის გათვალისწინებით.

იმედი გვაქვს აღნიშნულ საქმეზე გამოძიება წარიმართება სწრაფად, მიუკერძოებლად და ობიექტურად“, - აღნიშნულია განცხადებაში.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით