ბელარუსის პრეზიდენტის თქმით, ის არასდროს დათმობს თავისი ქვეყნის სუვერენიტეტს. რადიო „ეხო მასკვისთან“ ინტერვიუში ალექსანდრე ლუკაშენკო აცხადებს, რომ თუ მოსკოვი შეეცდება დაარღვიოს ბელარუსის სუვერენიტეტი, საერთაშორისო თანამეგობრობა მას სათანადო პასუხს გასცემს.

„თუ რუსეთი ეცდება ჩვენი სუვერენიტეტის დარღვევას, იცით ამაზე რა რეაქციაც ექნება საერთაშორისო თანამეგობრობას. ეს ყველაფერი ომში ჩაგვითრევს. დასავლეთი და ნატო ამას არ დაუშვებენ, იმიტომ, რომ ეს მათთვისაც საფრთხე იქნება და გარკვეულწილად, მართლებიც იქნებიან“,- განაცხადა ლუკაშენკომ.

New York Times-ის ინფორმაციით, მოსკოვი მინსკზე ზეწოლას ახორციელებს ე.წ. ინტეგრაციის გეგმის სისრულეში მოყვანის გამო. მედია წერს, რომ ქვეყნებს შორის მოლაპარაკებები მიმდინარეობს საერთო პარლამენტისა და მთავრობის შექმნაზე. ოფიციალური მინსკი, მსგავს განცხადებებს დეზინფორმაციას უწოდებს.