პოლიტიკური დევნის საკითხთა შემსწავლელი კომისია პოლიტიკური ნიშნით დაკავებულთა და დევნილთა პირველ სიას სავარაუდოდ, 4 იანვარს გამოაქვეყნებს.

როგორც „ლეიბორისტული პარტიის“ წევრმა ლაშა ჩხარტიშვილმა განაცხადა, პოლიტიკური რეჟიმის მსხვერპლთა დ ჯალათთა იდენტიფიცრებისთვის ოპოზიციის ეგიდით კომისია დღეს შეიქნა და სიაში 200-ზე მეტი ადამიანია პირველ ეტაპზე შესული.

"ჩვენ ასევე ვმუშაობთ ფიზიკური ანგარიშსწორების მსხვერპლთა მიმართებითაც. იქნებიან ეს პოლიტიკური აქტივისტები, ჟურნალისტები, ბიზნესმენები თუ სხვები. ასევე ფინანსურ საქნციებზეც ვიმსჯელებთ, რომელიც გამოიყენება როგორც ბრძოლის ინსტრუმენტი. ჩვენ უნდა მივაღწიოთ იმას, რომ გამოყენებული იქნას, მათ შორის, იდივიდუალური სანქციები, როგორც რეჟიმის შემქმნელი ივანიშვილის, ასევე გამორჩეული ჯალათების მიმართ. მათი სახელებისა და გვარების იდენტიფიკაცია მოხდება, მაგრამ ახლაც შემიძლია ვთქვა, რომ მათ შორის იქნებიან: გახარია, ჩუბინიძე, ფილიშვილი, სირაძე, თადუმაძე, ვასაძე და სხვები“, - განაცხადა ჩხარტიშვილმა.

მისივე თქმით, ამ სიის ფორმირების შემდეგ, მათი მთავარი მოთხოვნა იქნება როგორც ფინანსური სახდელის დადება კონკრეტულ პირებზე, ასევე მათთვის საერთაშორისო დონეზე გადაადგილების შეზღუდვაც.