ლევან კობერიძე - ბევრი პრობლემაა მთავრობის 520-ე დადგენილებიდან გამომდინარე - ახალ წელს ბევრი ექიმი სამსახურის გარეშე ან შემცირებული ხელფასით შეხვდება

ძალიან ბევრი პრობლემაა დაგროვილი მთავრობის 520-ე დადგენილებიდან გამომდინარე. პირველი ის, რომ ახალ წელს ბევრი ექიმი სამსახურის გარეშე ან შემცირებული ხელფასით შეხვდება, - ამის შესახებ პარლამენტის დამოუკიდებელმა დეპუტატმა ლევან კობერიძემ აღნიშნა.

მისი ვარაუდით, მთავრობის 520-ე დადგენილებიდან გამომდინარე, ჯანდაცვის ხარისხის კლებაა მოსალონდელი.

„ძალიან ბევრი პრობლემაა დაგროვილი მთავრობის 520-ე დადგენილებიდან გამომდინარე. პირველი იმასთან დაკავშირებით, რომ უკვე, ახალ წელს, ბევრი ექიმი შეხვდება ან სამსახურის გარეშე ან შემცირებული ხელფასით. მეორე, უკვე გაჩენილი არის ბევრი პრობლემა პაციენტებისთვის ხარისხიანი სერვისების მიწოდების თვალსაზრისით და მესამე, რაც არის ძალიან მნიშვნელოვანი, რეალურად, ჯანდაცვის ხარისხის კლება არის მოსალოდნელი საქართველოში ამ დადგენილებიდან გამომდინარე", - განაცხადა კობერიძემ.

ამასთან, მისივე თქმით, სახელმწიფო პროგრამა, რომელიც ქრონიკული დაავადებების მქონე ადამიანებისთვის წამლებს ერთ ლარად გაცემას გულისხმობდა, პრაქტიკულად ჩავარდნილია.

„ასევე თემა არის ის, რაზეც ახლა სიამაყით იყო საუბარი, რომ პირველადი ჯანდაცვა უნდა დაეხმაროს პირველ რიგში მაგალითად ქრონიკული დაავადების მქონე პაციენტებს. მე შეგახსენებთ, რომ პრაქტიკულად ჩავარდნილი არის პროგრამა ქრონიკული დაავადებების მქონე ადამიანებისთვის ერთ ლარიანი ე.წ. სახელმწიფო პროგრამის მიმდინარეობიდან გამომდინარე, იმიტომ, რომ პრაქტიკულად ადამიანები აფთიაქებში ვეღარ იღებენ ამ მედიკამენტებს“, - განაცხადა კობერიძემ.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა