განათლების მინისტრის მოადგილე - მანდატურის სამსახური კერძო სკოლებში არ შევა, ვგეგმავთ, უზრუნველვყოთ უსაფრთხოებაზე პასუხისმგებელი პირების გადამზადება

მთავრობის ადმინისტრაციაში არასწრულწლოვანთა მართლმსაჯულებისა და განათლების სფეროში არსებულ გამოწვევებზე უწყებათაშორისი სამუშაო ჯგუფის შეხვედრა იმართება.

როგორც შეხვედრის დაწყებამდე განათლების მინისტრის მოადგილე ეკატერინე დგებუაძემ განაცხადა, მისი უწყება წარადგენს პრეზენტაციას, სადაც ძირითადი აქცენტი ბავშვის ფიზიკურ და ფსიქოლოგიურ უსაფრთხოებასა და პრევენციის გზებზე იქნება.

“დღეს განათლების სამინისტრო წარადგენს პრეზენტაციას, ხედვას, კონკრეტულ ღონისძიებებს სხვადასხვა მიმართულებით. აქცენტი გაკეთებული იქნება ბავშვის ფიზიკურ და ფსიქოლოგიურ უსაფრთხოებაზე, პრევენციაზე. ასევე იქნება საუბარი უწყებათაშორის თანამშრომლობაზე და პრეზენტაციის შემდეგ ჩვენ მოვისმენთ არასამთავრობო და საერთაშორისო ორგანიზაციების კომენტარებს, რაც ასევე იქნება ასახული სამომავლო დოკუმენტში”, - განაცხადა დგებუაძემ.

მან იმ ძირითად პრობლემებზე ისაუბრა, რაც უწყებამ მოზარდთა მართლმსაჯულებისა და განათლების სფეროში გამოავლინა.

მისი თქმით, ძირითადად ეს საკითხებია “მშობელთა განათლება, სკოლების გაძლიერება, არაფორმალური განათლება, უსაფრთხოების მიმართულებით დოკუმენტების გამართვა, სხვადასხვა ინსტიტუციების გაძლიერება, მანდატურის სამსახურისა და ფსიქოლოგიური სხვადასხვა სერვისების განვითარება”.

დგებუაძის ინფორმაციით, კერძო სკოლებში მანდატურის სამსახურის შესვლა არ მოხდება და მხოლოდ უსაფრთხოებაზე პასუხისმგებელი პირების გადამზადება იგეგმება.

“მანდატურის სამსახური კერძო სკოლებში არ შევა. დღეს არსებული რეგულაციით კერძო სკოლებს აქვთ ვალდებულება ჰყავდეთ უსაფრთხოებაზე პასუხისმგებელი პირი და ვსაუბრობთ იმაზე, რომ უზრუნველვყოთ უსაფრთხოებაზე პასუხისმგებელი პირების გადამზადება”, - განაცხადა დგებუაძემ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა