რუსი ოპოზიციონერი ლიდერი ალექსეი ნავალნი აცხადებს, რომ მისი ერთ-ერთი თანამოაზრე რუსლან შავედინოვი სამხედროებმა გაიტაცეს, - ამის შესახებ „ბიბისი“ იუწყება.

ნავალნის ინფორმაციით, შავედინოვი სამხედრო სამსახურში ძალით გაიწვიეს და არქტიკაზე არსებულ ბაზაზე წაიყვანეს.

ნავალნი აცხადებს, რომ მისი მოკავშირე სავალდებულო სამხედრო სამსახურისგან გათავისუფლებული იყო და ის არმიამ გაიტაცა. სამხედრო პირები კი შავედინოვს სამხედრო სამსახურისგან თავის არიდებაში ადანაშაულებენ.

რუსლან შავედინოვი ალექსეი ნავალნის ანტი-კორუფციული ფონდის პროექტის მენეჯერად მუშაობდა. საპრეზიდენტო არჩევნების დროს კი ის ნავალნის საარჩევნო შტაბის პრეს-მდივანი იყო.

რუსეთში სავალდებულო სამხედრო სამსახური 12-თვიანია და მისი გავლა სავალდებულოა ყველა 18-დან 27 წლამდე მამაკაცისთვის. არსებობს გამონაკლისი შემთხვევები, მაგალითად სამედიცინო მიზეზები, რის გამოც შეიძლება პირმა ვერ გაიაროს სამსახური.