თურქეთის აღმოსავლეთით, ვანის ტბაში ნავი ჩაიძირა, რომელსაც პაკისტანიდან, ბანგლადეშიდან და ავღანეთიდან მიგრანტები გადაჰყავდა. უბედური შემთხვევის შედეგად 7 ადამიანი დაიღუპა, ხოლო 64-ის გადარჩენა მოხერხდა. ინფორმაციას თურქეთის ბითლის პროვინციის გუბერნატორის ოფისი ავრცელებს.
ვანის ტბა ირანის საზღვართან ახლოს მდებარეობს, საიდანაც მიგრანტები რეგულარულად ცდილობენ თურქეთში გადასვლას, რათა შემდგომ ევროპაში მოხვდნენ.
შეგახსენებთ, თურქეთში ამ ეტაპზე დაახლოებით 4 მილიონი ლტოლვილი და მიგრანტი იმყოფება. ქვეყნის პრეზიდენტის, რეჯეფ თაიფ ერდოღანის თქმით, ანკარა დამატებით ლტოლვილთა ტალღას ვეღარ გაუმკლავდება.