ვატო შაქარიშვილი - მერის და კონკრეტული ადამიანების პირადი სურვილების რეალიზაციას უფრო ემსახურება ბიუჯეტის პროექტი, ვიდრე თბილისელების პრობლემების გადაჭრას

ვფიქრობ, მერის და კონკრეტული ადამიანების პირადი სურვილების რეალიზაციას უფრო ემსახურება ბიუჯეტის პროექტი, ვიდრე თბილისელების პრობლემების გადაჭრას, - ამის შესახებ საკრებულოს დამოუკიდებელმა დეპუტატმა, ვატო შაქარიშვილმა კომისიების გაერთიანებული სხდომის შემდეგ განაცხადა.

მან ისაუბრა თბილისის ბიუჯეტის შესახებ, რომელსაც დღეს თბილისის საკრებულოს კომისიები განიხილავენ, ხოლო ხვალ უნდა დამტკიცდეს.

„სულ ახლახანს დამტკიცებული ცენტრალური ბიუჯეტით შრომის ანაზღაურება გაეზარდათ პოლიციელებს, ჯარისკაცებს, ექიმებს, ფორმიან ადამიანებს და ადამიანებს, რომლებიც ემსახურებიან სახელმწიფოს. ჩვენც გვყავს, მუნიციპალიტეტს ასე ვთქვათ, ჯარისკაცები, ესენი არიან საბავშვო ბაღის პედაგოგები, აღმზრდელები, რომელთაც, პირდაპირ შემიძლია გითხრათ, აქვთ შეურაცხმყოფელი ანაზღაურება და სამწუხაროდ, ბიუჯეტის პროექტში, რომელსაც დღეს კენჭი უყარეს, პრიორიტეტად ნამდვილად არ არის დასახული ამ ადამიანების ღირსეული შრომის ანაზღაურება. ასევე, ძალიან ბევრი კითხვის ნიშანია პრიორიტეტების განაწილებასთან დაკავშირებით, რაც არის მუნიციპალიტეტის ფუნქცია. ვფიქრობ, მერის და კონკრეტული ადამიანების პირადი სურვილების რეალიზაციას უფრო ემსახურება ეს პროექტი, ვიდრე თბილისელების პრობლემების გადაჭრას. როდესაც პირველი პროექტი შემოვიდა, ჩვენ საჯაროდ ვთქვით, რომ იმ რეკომენდაციების გაუთვალისწინებლობის შემთხვევაში არ დავუჭერდით ასეთი ფორმით შემოტანილი ბიუჯეტის პროექტს მხარს, შესაბამისად, მე არ ვუჭერ ამ ფორმით შემოტანილ ბიუჯეტს მხარს", - განაცხადა შაქარიშვილმა.

მისივე თქმით, კითხვის ნიშნებია როგორც დაგეგმარებასთან და პრიორიტეტების განაწილებასთან დაკავშირებით, ასევე წლევანდელი ბიუჯეტის აღსრულებასთან მიმართებაში.

„სოციალური მიმართულებით ბიუჯეტის საკმაოდ დიდი პროცენტია მიმართული, მაგრამ ზოგადად ვამბობ, რომ პრიორიტეტების განაწილება, თუნდაც ეს იყოს ინფრასტრუქტურული პროექტების განხორციელება მათი მიზანშეწონილობიდან გამომდინარე, ასევე, ის თანხები, რომელიც ემატება რეკლამირებისა და კონკრეტული, მაღალი თანამდებობის პირების მარკეტინგულ ხარჯებს, და თქვენ ნახეთ, ეს იქნება „ფეისბუქი" თუ სხვადასხვა მიმართულება - მერის პიარ აქტივობებზე იხარჯება დამატებითი თანხები, კითხვები არის როგორც დაგეგმარებასთან და პრიორიტეტების განაწილებასთან დაკავშირებით, ასევე წლევანდელი ბიუჯეტის აღსრულებასთან მიმართებაში. შესაბამისად, დაგროვილი კითხვებისა და პრობლემებიდან გამომდინარე არ ვუჭერ ბიუჯეტის ამ პროექტს მხარს", - აღნიშნა შაქარიშვილმა.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 05.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა