ბათუმში, ევროპის მოედანზე, აზარტული თამაშების რეკლამის აკრძალვისა და ონლაინ კაზინოების დახურვის მოთხოვნით აქცია გაიმართა. აქციის მონაწილეების განცხადებით, ინტერნეტ თამაშებში არასრულწლოვნები მუდმივად რეგისტრირდებიან, რაც მათ საფრთხეს უქმნის.
„აუცილებლად უნდა აიკრძალოს ონლაინ კაზინოები, ეს ვირტუალური სამყარო არის აბსოლუტურად უკონტროლო და უამრავი ახალგაზრდის უბედურების მიზეზი. ჩვენ შორს ვართ იმ აზრისგან, რომ ქვეყანაში სათამაშო ბიზნესი აიკრძალოს, ამისთვის ქვეყანა მზად არ არის, მაგრამ ეს ვირტუალური თამაშები, რომელსაც კოლოსალური შემოსავლები მოაქვს ცალკეული პირებისთვის, აუცილებლად უნდა გაუქმდეს“, - ამბობს აქციის მონაწილე ვატო ნებულიშვილი.