ვატო შაქარიშვილი - ბევრად უფრო მძიმე პრობლემები გვაქვს ქალაქში, ვიდრე არის კონკრეტული ნაძვის ხის ესთეტიკური და ვიზუალური მხარე

ბევრად უფრო სერიოზული, მძიმე სოციალური და ეკონომიკური პრობლემები გვაქვს დღეს ჩვენს ქალაქში, ვიდრე არის კონკრეტული ნაძვის ხის ესთეტიკური და ვიზუალური მხარე, - ამის შესახებ საკრებულოს დამოუკიდებელმა დეპუტატმა, ვატო შაქარიშვილმა განაცხადა.

მან ისაუბრა თბილისის მთავარი საახალწლო ნაძვის ხის შესახებ და უპასუხა ოპოზიციის გამოხმაურებას ხის ღირებულებასთან დაკავშირებით.

"გემოვნებაზე არ დავობენო და საბოლოო ჯამში ის საკითხია, რომელზეც დავობენ. მე არ მგონია, რომ იმ ისტერიის საფუძველი იყოს ეს ნაძვის ხე, რაც მოჰყვა ქალაქში. ბევრად უფრო მძიმე, სერიოზული პრობლემები აქვთ როგორც ადამიანებს, ისე ჩვენს ქალაქს და სჯობს, მეტი ყურადღება დავუთმოთ როგორც ოპოზიციამ, ისე ხელისუფლებამ. ამაში იგულისხმება ის, რომ სწორად და ნაკლები თანხები დაიხარჯოს ასეთი ტიპის ღონისძიებებზე და ოპოზიციამაც სწორი შენიშვნები და ადეკვატური რეაქცია გამოავლინოს და არა ისეთი რეაქცია და ისეთი ისტერია, რომელიც ამას მოჰყვა. ესთეტიკური ნაწილი არ ვიცი, ზოგს მოსწონს, ზოგს არ მოსწონს, ყოველ შემთხვევაში იმ ისტერიის საფუძვლად არ ვთვლი, რაც მოჰყვა. კიდევ ერთხელ ვიმეორებ, ბევრად უფრო სერიოზული, მძიმე სოციალური და ეკონომიკური პრობლემები გვაქვს დღეს ჩვენს ქალაქში, ვიდრე არის კონკრეტული ნაძვის ხის ესთეტიკური და ვიზუალური მხარე", - განაცხადა შაქარიშვილმა.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა