კახა კალაძე ტელეკომპანიების ანგარიშებზე ინკასოს დადებაზე - მიმაჩნია, რომ გადასახადი უნდა გადაიხადოს ყველამ - ესაა სწორი მიდგომა

ზოგადად მიმაჩნია, რომ გადასახადი უნდა გადაიხადოს ყველამ, ესაა სწორი მიდგომა, - ასე უპასუხა დედაქალაქის მერმა კახა კალაძემ ჟურნალისტებს კითხვაზე, რამდენად სწორად მიაჩნია მიდგომა, რომ ტელეკომპანიების „რუსთავი2“-ის, „ტვ პირველის“ და „კავკასიის“ ანგარიშებს ინკასო დაედო ბიუჯეტის მიმართ არსებული დავალიანების გადაუხდელობის გამო.

„ მე ზოგადად მიმაჩნია ერთი რამ, რომ გადასახადი უნდა გადაიხადოს ყველამ. ესაა სწორი მიდგომა და შესაბამისად ყველას, იქნება ეს ფიზიკური თუ იურიდიული პირი, მოუწევს გადასახადების გადახდა,“-აცხადებს კალაძე.

შეგახსენებთ, 23 დეკემბერს საქართველოს ფინანსთა სამინისტრომ განცხადება გაავრცელა და ტელევიზიებს, რომლებსაც სახელმწიფო ბიუჯეტის წინაშე დაგროვილი აქვთ დავალიანება, ერთი დღის ვადა მისცა, რათა 2019 წლის 1 ოქტომბრიდან დაგროვილი მიმდინარე დავალიანების ძირი თანხა დაეფარათ.

გუშინ კი ცნობილი გახდა, რომ ტელეკომპანიების „რუსთავი2“-ის, „ტვ პირველის“ და „კავკასიის“ ანგარიშებს ინკასო დაედო.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში