ნათია თურნავა - ლარის კურსი სტაბილურდება, სხვა გლობალური ფაქტორი თუ არ წამოვიდა, მომავალ წელს ინფლაცია მიზნობრივ მაჩვენებელს დაუბრუნდება

გამოწვევა არის და რჩება სიღარიბის დაძლევა. გამოწვევა, რომლიც წელს განვითარდა და რასთან გამკლავებაც მოგვიხდა, იყო ინფლაცია, - ამის შესახებ ეკონომიკისა და მდგრადი განვითარების მინისტრმა, ნათია თურნავამ „პალიტრანიუსის“ გადაცემაში „360 გრადუსი“ განაცხადა.

როგორც მინისტრი აცხადებს, „ცალსახად აღიარებს, რომ ინფლაცია დიდი გამოწვევაა.“

„სამომხმარებლო პროდუქტების რაღაც ნაწილი, განსაკუთრებით იმპორტული პროდუქტების, გაძვირდა. ამაზე ლარის კურსის რყევებმა და რეგიონში მიმდინარე პროცესებმა მოახდინა ნეგატიური გავლენა. ისიც უნდა ითქვას, რომ ამას პოლიტიკურმა პროცესებმა დიდად შეუწყვეს ხელი. ნათლად ვხედავდით, როგორ მიყვებოდა ლარის კურსი ამ არასტაბილურობას,“-აცხადებს ნათია თურნავა.

მინისტრის თქმით, ინფლაცია კარგი მაგალითია იმის, თუ რამდენად სწრაფად რეაგირებს მთავრობის ეკონომიკური გუნდი გამოწვევებზე.

„როგორც კი წინა პლანზე ეს გამოწვევა წამოვიდა, თქვენ ხედავთ ეროვნული ბანკის და მთავრობის კოორდინირებული მუშაობის შედეგს და რა თქმა უნდა, პრემიერ-მინისტრი პირდაპირ დავალებებს გვაძლევს ამ მიმართულებით. ეს მიზანმიმართული ნაბიჯები აისახება იმაში, რომ ლარის კურსი სტაბილურდება და თუ სხვა გლობალური ფაქტორი არ წამოვიდა, მომავალ წელს ინფლაცია მიზნობრივ მაჩვენებელს დაუბრუნდება,“-განაცხადა ეკონომიკის მინისტრმა.

იხილეთ ვიდეო

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს