„სინერჯი კაპიტალი“ საქართველოს კორპორატიული სპორტის ფედერაციის 2020 წლის გენერალური სპონსორი საინვესტიციო კომპანია გახდა

სინერჯი კაპიტალი“ მხარდაჭერას გაუწევს 2020 წელს ორგანიზაციის მიერ დაგეგმილ სპორტულ აქტივობებს, ჯანსაღი ცხოვრების სტიმულირების და ამ კუთხით საზოგადოების ცნობიერების ამაღლების ღონისძიებებს. ამის შესახებ „ინტერპრესნიუსს“ „სინერჯი კაპიტალიდან“ აცნობეს.

კომპანიის ინფორმაციით, დაგეგმილია გარბენები ქვეყნის მასშტაბით, გოლფის ტურნირები, შეჯიბრებები ე.წ. ქუჩის სპორტში, კონფერენციები ჯანსაღი ცხოვრების სტიმულირებისთვის, მოზარდებში სპორტული ცხოვრების შეყვარების აქტივობები და სხვა ღონისძიებები, რომელიც ხელს უწყობს ფიზიკური აქტივობა გახდეს მოსახლეობის ყოველდღიური ცხოვრების ბუნებრივი ნაწილი და საზოგადოების განვითარების კატალიზატორი.

„ჩვენ გვჯერა, რომ ვინც სპორტითაა დაკავებული, ჯანსაღად ცხოვრებას ცდილობს და მხარსაც უჭერს ასეთ ცხოვრებას, იმ ადამიანებს უფრო კარგი და კეთილი ფიქრები, მიზნები და დამოკიდებულებები აქვთ. ჩვენ მხარს ვუჭერთ #იყავიაქტიურისაქართველოში და #სიცოცხლისთვის კამპანიებს, რომელიც 2020-ში მთელ საქართველოს დაფარავს და ჩვენ, ჩვენი თანამშრომლების, ინვესტორების, ჩვენი პორტფელის კომპანიების და საზოგადოების ჩართულობით და ამ ორგანიზაციის დახმარებით ბევრი ძალიან მაგარი ღონისძიების მონაწილეები გავხდებით", - აცხადებენ საინვესტიციო კომპანია „სინერჯი კაპიტალში“.

საქართველოს კორპორატიული სპორტის ფედერაცია 2015 წლიდან ათეულობით გარბენის, სპორტული შეჯიბრებების, საგანმანათლებლო ღონისძიებების, კორპორატიული თამაშების და ტურნირების და სხვა სპორტული აქტივობების ავტორი და განმახორციელებელია. მოძრაობა #იყავიაქტიურისაქართველოში წელს გახდა ეროვნული ბიზნეს დაჯილდოების გამარჯვებული, ნომინაციაში - „მასობრივი სპორტის განვითარება და ბიზნეს სტრუქტურების ჯანსაღი ცხოვრების წესის პოპულარიზაციაში ჩართვა“,- ნათქვამია ინფორმაციაში.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა