გენადი არველაძე - აქტიურ რეჟიმში ვმუშაობთ კორეასთან სხვადასხვა მნიშვნელოვან ეკონომიკურ საკითხებზე, მათ შორის ინვესტიციების ორმხრივი ხელშეწყობის შეთანხმებაზე

კორეის რესპუბლიკის მთავრობასთან განვიხილავთ ორი ქვეყნისთვის ძალიან მნიშვნელოვან ეკონომიკურ საკითხებს, მათ შორის ერთ-ერთი მიმართულება არის ინვესტიციები და ჩვენ აქტიურ რეჟიმში ვმუშაობთ შეთანხმებაზე, რომელიც უზრუნველყოფს საქართველოსა და კორეას შორის ინვესტიციების ორმხრივ ხელშეწყობას, - ამის შესახებ საქართველოს ეკონომიკისა და მდგრადი განვითარების მინისტრის მოადგილემ, გენადი არველაძემ სეულში განაცხადა, სადაც ორდღიანი სამუშაო ვიზიტით იმყოფებოდა.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, ქართულმა დელეგაციამ, რომელსაც გენადი არველაძე ხელმძღვანელობდა, კორეულ მხარესთან მოლაპარაკების პირველი რაუნდი გამართა „საქართველოს მთავრობასა და კორეის რესპუბლიკის მთავრობას შორის ინვესტიციების ორმხრივი ხელშეწყობის შესახებ“ შეთანხმების ტექსტთან დაკავშირებით.

როგორც ეკონომიკის მინისტრის მოადგილემ აღნიშნა, შეხვედრაზე განიხილეს და შეაჯერეს შეთანხმების პროექტის სხვადასხვა მუხლები და დებულებები.

„მოლაპარაკებების შემდეგი რაუნდი მხარეთა მიერ შეთანხმების მიხედვით იქნება განსაზღვრული“, - აღნიშნა არველაძემ.

კორეის რესპუბლიკაში სამუშაო ვიზიტის ფარგლებში გაიმართა რამდენიმე მნიშვნელოვანი შეხვედრა, მათ შორის ხაზგასასმელია ორი ქვეყნის მთავრობათაშორისი ეკონომიკური კომისიის პირველი სხდომა, რომელიც გენადი არველაძისა და ეკონომიკურ საკითხებში კორეის რესპუბლიკის საგარეო საქმეთა მინისტრის მოადგილის, იუნ კანგ-ჰიონის თანათავმჯდომარეობით სეულში ჩატარდა. შეხვედრას გენადი არველაძესთან და საქართველოს დელეგაციის წევრებთან ერთად საქართველოს საგარეო საქმეთა მინისტრის მოადგილე ალექსანდრე ხვთისიაშვილი ესწრებოდა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში