„ბილთმორ თბილისში“ ნაციონალური ბრენდების დაჯილდოება გაიმართა

26 დეკემბერს, „ბილთმორ თბილისში“ ნაციონალური ბრენდების დაჯილდოება გაიმართა. ბრენდ-პერსონა ვაჟა აზარაშვილი გახდა, - ამის შესახებ „ინტერპრესნიუსს“ სააგენტო „პროფილიდან“ აცნობეს.

როგორც ინფორმაციაშია აღნიშნული, „ქართული ბრენდის დღე“ საზოგადოებასთან ურთიერთობის სააგენტო „პროფილის“ წარმატებული პროექტია.

„17 წელი ქართული ბიზნესის გვერდით! ქართული კულტურის გვერდით! პროექტის მიზანია, ხელი შეუწყოს ქართული ბრენდების ფორმირება-პოპულარიზაციას, როგორც უცხოეთში, ისე საქართველოში. ამ პროექტის არსებობის მანძილზე, ქართულ ბაზარზე გამოჩნდა და წარმატებით საქმიანობს მრავალი კომპანია, რომლებმაც საერთაშორისო აღიარება მოიპოვეს. პროექტმა 17 წლის განმავლობაში არაერთი ქართული ბრენდი წარმოაჩინა. არაერთი ქართული ახალი ბრენდისთვის გახდა სტარტი ქართული ბრენდის დღის ჯილდო. უნდა ითქვას, რომ „ქართული ბრენდის დღე“ თავად იქცა ბრენდად და უკვე საქართველოს ფარგლებსაც გასცდა - იტალიაში, ამერიკაში ორი წელია პომპეზურად აღინიშნება. „ქართული ბრენდის დღე“ რომ ერთ-ერთი ინოვაციური და აღიარებული პროექტია, ამას ადასტურებს მასში მონაწილე კომპანიების სიმრავლე, მხარდამჭერები, სპონსორები, საზოგადოებრივი აზრის ლიდერები და მედიაგამოხმაურებები“, - აღნიშნავენ „პროფილში“.

„ქართული ბრენდის დღე“ კომპანიებს 7 ძირითად ნომინაციაში ავლენს: ლიდერი; რეპუტაცია და ნდობა; წარმატებული ახალი ბრენდი; წარმატებული ტელეპროექტი; წარმატებული საერთაშორისო პროექტი; წარმატებული ინვესტიცია; ბრენდ-პერსონა.

„ბრენდების დაჯილდოების ყოველწლიური კონკურსი მრავალ ქვეყანაში პოპულარობით სარგებლობს და ყველგან წარმატებულია. სწორედ, ამ ფაქტმა უბიძგა პროექტის ავტორებს, საქართველოშიც დაემკვიდრებინათ ბრენდების დაჯილდოების ეროვნული დღესასწაული.

„ქართული ბრენდის დღეს“ 2003 წელს ჩაეყარა საფუძველი. მაშინ, როცა ჩვენი ქვეყანა უმძიმეს ეკონომიკურ მდგომარეობაში იმყოფებოდა. პირველი ღონისძიება სალონური ტიპის გახლდათ და მხოლოდ ღვინის მწარმოებელი კომპანიები მონაწილეობდნენ. „ქართული ბრენდის დღე“ ყოველწლიურად ვითარდება და ფართო მასშტაბებს იძენს.

პროექტის არსებობის მანძილზე 700-მდე წარმატებული კომპანია, სხვადასხვა სახის პროექტი, ცეკვისა და სიმღერის გამორჩეული ანსამბლები და პიროვნებები დაჯილდოვდნენ.

წლევანდელი დაჯილდოების ცერემონიალზე წარმოდგენილია 30-მდე წარმატებული კომპანია, რამდენიმე საუკეთესო პროექტი და გამორჩეული პიროვნება, რომლებსაც სხვადასხვა ნომინაციაში გადაეცემათ შესაბამისი დიპლომი და სპეციალური პრიზი. განსაკუთრებით ამაღელვებელია წლის ბრენდ-პერსონის გამოვლენა. ბრენდ-პერსონის ნომინაციაში სხვადასხვა წლებში დაჯილდოვდნენ: ნანი ბრეგვაძე, ბუბა კიკაბიძე, ლეილა აბაშიძე, ჯამლეთ ხუხაშვილი, პაატა ბურჭულაძე, კახი კავსაძე, ოთარ მეღვინეთუხუცესი, გივი ბერიკაშვილი, მურმან ჯინორია, რობერტ სტურუა, გურამ დოჩანაშვილი, ელდარ შენგელაია...“, - ნათქვამია ინფორმაციაში.

„როცა პროექტზე დავიწყეთ მუშაობა, სიტყვა „ბრენდი“ იმდენად უცხო იყო საზოგადოებისთვის, რომ მისი მნიშვნელობის ახსნა ხშირად გვიწევდა... მას შემდეგ ათეული წელი გავიდა, ქართულ სინამდვილეში გაჩნდნენ ახალი კომპანიები, დაიწყეს დამკვიდრება ბაზარზე და ბრენდად ჩამოყალიბების ეტაპების გავლა საერთაშორისო სტანდარტების მიხედვით. თამამად შეიძლება ითქვას, რომ ქართულმა ბრენდებმა შიდა და გარე ბაზარზე მნიშვნელოვან წარმატებას მიაღწიეს. ქართული ბრენდების სხვადასხვა ნომინაციებში გამარჯვება წლის პრესტიჟული ჯილდო გახდა, ხოლო „ქართული ბრენდის დღე“ - ნაციონალურ დღესასწაულად იქცა.

„ქართული ბრენდის დღე“ უკვე 17 წლისაა და დამეთანხმებით, რომ ეს მთელი ეპოქაა. მასზე სხვადასხვა თაობები გაიზარდნენ. „ქართული ბრენდის დღე“ თავისი არსით, შინაარსით განსხვავებულია, ის არა მარტო ბიზნესის, არამედ ჩვენი ქვეყნის ერთგვარი მაჯისცემაა. ჩვენ წლის ბოლოს ყველა მოვლენას ავსახავთ, რაც კი საქართველოს შოუ-ბიზნესში, კულტურულ ცხოვრებაში, მეცნიერებასა და რაც მთავარია, ბიზნესში ხდება“,-განაცხადა საზოგადოებასთან ურთიერთობის სააგენტო „პროფილის“ დამფუძნებელმა და გენერალურმა დირექტორმა, მანანა გეგიძემ.

„ჩვენი დიდი მონდომებისა და ძალისხმევის შედეგად, „ქართული ბრენდის დღე“ ერთ-ერთ წარმატებულ პროექტად ჩამოყალიბდა. მისი დაარსებისკენ მსგავსი კონკურსების გამართვის მსოფლიო ტრადიციამ გვიბიძგა; თუმცა პროექტი არ არის რომელიმე ღონისძიების კალკი. ის სავსებით მორგებულია ქართულ რეალობას. როდესაც „პროფილი“ დავაფუძნეთ და პროექტზე მუშაობა დავიწყეთ, საზოგადოებასთან ურთიერთობის სფეროში ინფორმაცია ძალიან მწირი იყო, შესაბამისად, პიარტექნოლოგიებზე მოთხოვნაც, დღევანდელ რეალობასთან შედარებით, თითქმის უმნიშვნელო გახლდათ. ჩვენ ბევრი ვიმუშავეთ პროექტის იმიჯისა და რეპუტაციის ასამაღლებლად. გვჯერა, რომ ჩვენი პროექტი ხელს უწყობს ჯანსაღ კონკურენციას, ბაზარზე კომპანიების სწორ პოზიციონირებას და მთელი წლის საქმიანობის ერთგვარ შეჯამებას წარმოადგენს,“-აღნიშნა სააგენტო „პროფილის“ დამფუძნებელმა და საკონსულტაციო ჯგუფის ხელმძღვანელმა ელგუჯა მარღიამ.

სააგენტოს ცნობით, „ქართული ბრენდის დღე 2019“-ის პარტნიორები არიან: ამერიკის მეგობართა კლუბი, საქართველო - შვეიცარიის ბიზნეს ასოციაცია, სარეკლამო პოლიგრაფიული საწარმო „ფრანი“, დავით ღვინიანიძის საერთაშორისო საქველმოქმედო ფონდი „მსოფლიო ტალანტები“ .

სპონსორები: ჭიპლარის სისხლის ბანკი „ჯეოქორდი“, სასტუმრო „აივანი“, ესთეტიკური მედიცინის ცენტრი „დერმა“, ბელა მეტრეველის კლინიკა.

საინფორმაციო მხარდამჭერები: მედია სააგენტო „კლიპარტი“, brandnews.ge, „ინტერპრესნიუსი“, ambebi.ge, „პრაიმ ტაიმი“, მედიაჰოლდინგი „კვირა“, რადიო „ფორტუნა“, „ფორტუნა +“, „პირველი არხი“, „ტელეიმედი “, „რუსთავი 2“, ტელეკომპანია „პულსი“, ტელეკომპანია ,,მირი”, აფხაზეთის საინფორმაციო უზრუნველყოფის ცენტრი, 2020news.ge.

„ქართული ბრენდის დღე 2019“ გამარჯვებულები არიან:

ნომინაცია „ლიდერი“:

ფარმაცევტული კომპანია „PSP ჯგუფი“;

ღვინის კომპანია „თელავის ღვინის მარანი“;

კლინიკა „ენმედიცი“;

საერთაშორისო გადაზიდვების კომპანია „გრინვეი ლოჯისტიკი“;

კომპანია „ნოვა“;

კომპანია „გეორგინა“;

ნომინაცია „ახალი ქართული ბრენდი“ :

კომპანია „სენვი“;

ტრიო „მეცო“;

კომპანია „Megadoors“ ;

სასტუმრო „ბაკურიანი ინნ“;

სასტუმრო „ჩემოდანი“;

„გურამიშვილის მარანი“;

GGRC ქართულ-გერმანული რეპროდუქციული მედიცინის ცენტრი;

„ლეონ შავიტის სტუდია“.

ნომინაცია „რეპუტაცია და ნდობა“:

სასტუმრო „წყალტუბო პლაზა“;

საკონდიტრო „მარონი“;

კომპანია „ფაფანაკი“;

„ნოზაძის მეფრინველეობა“;

მუსიკოსები ბელა ბერკემერ-მახარაძე და უვე ბერკემერი;

ქორეოგრაფიული ანსამბლი „ლაშქარი“;

„თბილისის ბავშვთა კაპელა“;

რესტორანი „თაშრე“;

ნომინაცია „წარმატებული პროექტი“:

კომპანია „Rose art“ პროექტისათვის „ვარდების წვიმა“

ცეკვის სახელოსნო „თედასი“ პროექტისათვის „გაცოცხლებული ქანდაკება“

ნომინაცია „წარმატებული საერთაშორისო პროექტი“

,,კავკასიის პოეზიის ფესტივალი“.

ნომინაცია „წარმატებული ტელეპროექტი“:

„სხვა რაკურსი გია ჯაჯანიძესთან ერთად“;

„ახალი დღე“;

„ფერმა“;

ნომინაცია „წარმატებული ინვესტიცია“:

„რუსთავი სთილ კორპორეიშენ კომპანი“.

ნომინაცია „ბრენდ-პერსონა“:

ვაჟა აზარაშვილი.

ასევე დაჯილდოვდნენ:

მედია ჰოლდინგი „ფორტუნა“ ინოვაციური ვებ პლატფორმის „fortuna.ge“ შექმნისთვის;

კარინა ვამლინგი საზღვარგარეთ ქართული ენის პოპულარიზაციაში შეტანილი წვლილისთვის;

ნატალია კვანტალიანი აქტიური საქველმოქმედო საქმიანობისთვის.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა