გიორგი ტყემალაძე - 2019 წელი თბილისისთვის ძალიან წარმატებული იყო, განხორციელდა უპრეცედენტო მნიშვნელობის პროექტები

თბილისის საკრებულოში წლის ბოლო სხდომა მიმდინარეობს, რომელზეც დედაქალაქის მერი კახა კალაძე წლიური ანგარიშით გამოდის.

დედაქალაქის საკრებულოს პრესსამსახურის ინფორმაციით, სხდომაზე, საკრებულოს თავმჯდომარემ გიორგი ტყემალაძემ 2019 წელი შეაფასა და იმ პროექტებზე გაამახვილა ყურადღება, რომლებიც მიმდინარე წელს განხორციელდა.

„ვფიქრობ, რომ 2019 წელი თბილისისთვის ძალიან წარმატებული იყო. განხორციელდა უპრეცედენტო მნიშვნელობის პროექტები, როგორც ინფრასტრუქტურული, ასევე საზოგადოებრივი ტრანსპორტის, ურბანული თუ ეკოლოგიური პოლიტიკის განვითარების და გაუმჯობესების მიმართულებით. დღეს, ჩვენ ყველას გვექნება შესაძლებლობა, მოვისმინოთ მერის ანგარიში, რომელიც დეტალურად მიმოიხილავს თბილისის მუნიციპალიტეტის მუშაობას,“- განაცხადა გიორგი ტყემალაძემ.

თბილისის საკრებულოს თავმჯდომარემ ასევე აღნიშნა, რომ დღევანდელ სხდომაზე 2020 წლის თბილისის ბიუჯეტს განიხილავენ, რომელიც მნიშვნელოვნად არის გაზრდილი.

„გაზრდილი ბიუჯეტი შესაბამისად ნიშნავს, კიდევ უფრო მეტ შესაძლებლობებს, რომ 2020 წლის განმავლობაში ჩვენ ერთობლივად შევძლოთ მეტი, ჩვენი ქალაქისთვის მნიშვნელოვანი პროექტების განხორციელება,“- განაცხადა გიორგი ტყემალაძემ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში