მტკიცებულებები ხელთ ნამდვილად არ მაქვს და გამიჭირდება, ვინმე კორუფციაში დავადანაშაულო,- ასე ეხმიანება პარლამენტის თავმჯდომარე არჩილ თალაკვაძე სოფო კილაძის მიერ დღეს გაკეთებულ განცხადებას ეკა ბესელიასთან დაკავშირებით.
პარლამენტის თავმჯდომარე ამბობს, რომ მისთვის ასეთი ფაქტის შესახებ ცნობილი არ არის.
"ამ ფაქტებზე ინფორმირებული არ ვარ, იმედია, კითხვებს პასუხი გაეცემა. თუ ვინმეს ფაქტები აქვს, არ მგონია, ამას პასუხი მედიაში განხილვებით გაეცეს. თუ მტკიცებულებები არსებობს, ამაზე შეფასება პოლიტიკურ განცხადებებში პარლამენტის თავმჯდომარემ კი არ უნდა გააკეთოს, ამას სათანადო ყურადღება სჭირდება,ეს შესაბამისმა ინსტიტუტებმა უნდა შეაფასონ. ასეთი მტკიცებულებები კორუფციულ ფაქტებზე ხელთ ნამდვილად არ მაქვს და გამიჭირდება, ვინმე კორუფციაში დავადანაშაულო. როცა ასეთი მტკიცებულებები მაქვს, კანონის შესაბამისად ვმოქმედებ,"- განაცხადა არჩილ თალაკვაძემ.