დღგ-ების სკანდალში მალე დავასახელებ იმ ჩინოვნიკების გვარებს, ვინც ათეულობით მილიონი ლარი ჯიბეში ჩაიდო, - ამის შესახებ პარლამენტის დამოუკიდებელმა დეპუტატმა დავით ჭიჭინაძემ განაცხადა.

მისივე თქმით, „700 მილიონის მოპარვა დღგ-თი და გინდა დღგ-ს გარეშე, მაღალჩინოსნის ჩართულობის გარეშე წარმოუდგენელია“.

„გამოვიდეს მინისტრი მაჭავარიანი და თქვას, რაშიც არის რეალურად პრობლემა! ვინც საქმეში ჩახედულია, ყველამ ზუსტად იცის, რომ „აიტიშნიკების“ პრობლემა აქვთ. მათ იმიტომ ვერ იჭერენ, რომ ისინი იტყვიან, ვისგან იღებდნენ ამ დავალებებს. ამ ეტაპზე, მარტო ბიზნესმენები არიან დაჭერილი, არადა ფინანსთა სამინისტროს გარეშე, ვერანაირად ვერ მოხდებოდა იმ გადასახადების ასახვა და გვარებს თუ თვითონ ვერ გებულობენ, მობრძანდეს მაჭავარიანი პარლამენტში, ახალი წლის შემდეგ და მე მოვახსენებ. მითუმეტეს რომ, დაბალი დონის ჩინოვნიკებსაც კი მილიონობით ლარი აქვთ ჯიბეში ჩადებული“,-აცხადებს ჭიჭინაძე.