კანზასის შტატში, ტექსტრონის საავიაციო ქარხანაში მომხდარი აფეთქების შედეგად 15 ადამიანი დაშავდა, - ამის შესახებ ინფორმაციას „როიტერსი“ ავრცელებს.
სააგენტოს ცნობით, აფეთქება თხევადი აზოტის გაზის მილზე მოხდა.
ქარხნის წარმომადგენლების განცხადებით, ქარხნის თანამშომლების ძირითადი ნაწილი ახალი წლის დღეებთან დაკავშირებით ისვენებს და ინციდენტის დროს ქარხანაში თანამშომელთა მხოლოდ მცირე ნაწილი იმყოფებოდა, სხვა შემთხვევაში დაშავებულთა რაოდენობა გაცილებით მეტი იქნებოდა.
აფეთქება იმ განყოფილებაში მოხდა, სადაც საფრენი აპარატების პროტოტიპების დამზადება ხდება.