ჰავაიზე ვერტმფრენმა კატასტროფა განიცადა - დაღუპულია 6 ადამიანი
მაშველების ინფორმაციით, ჰავაიზე დაკარგულმა ვერტმფრენმა კატასტროფა განიცადა. ვერტფმრენი, რომელსაც ორი დღის მანძილზე ეძებდნენ, სავარაუდოდ, ერთ-ერთ კუნძულზე კლდეს შეეჯახა. დაღუპულია 6 ადამიანი. კიდევ ერთის პოვნა ჯერჯერობით ვერ ხერხდება.
კატასტროფის სავარაუდო მიზეზად უამინდობა დასახელდა.
შეგახსენებთ, ვერტმფრენი, რომლის ბორტზეც 7 ადამიანი იმყოფებოდა ხუთშაბათს გაუჩინარდა. ხომალდის მფლობელმა კომპანიამ სამაშველო სამსახურს, მაშინ დაურეკა, როცა დაგეგმილ დროზე მგზავრები კუნძულზე არ გამოცხადდნენ.
