ქეთევან ციხელაშვილი - დიდი მადლობა ყველა იმ ადამიანს, სახელმწიფოს, მეგობარს, ორგანიზაციას, რომელიც ჩართული იყო იმაში, რომ ვაჟა გაფრინდაშვილის გათავისუფლება მიღწეულიყო

ბატონი ვაჟა ვნახე, ის ნორმალურად გრძნობს თავს, კარგად არის, - ამის შესახებ შერიგებისა და თანასწორობის საკითხებში სახელმწიფო მინისტრმა ქეთევან ციხელაშვილმა ჟურნალისტებთან საუბრისას განუცხადა.

მისი თქმით, ვაჟა გაფრინდაშვილის გათავისუფლებისთვის საქართველოს ყველა შესაბამისი სტრუქტურა კოორდინირებულად მუშაობდა.

„პირველ რიგში ვფიქრობ, რომ ყველასთვის ძალიან სასიხარულო ამბავია, რომ ბატონი ვაჟა გაფრინდაშვილი არის თავისუფალი და ძალიან მალე შეხვდება ოჯახს.

ამ პროცესებში ჩართული იყო მთლიანად ხელისუფლება ძალიან ინტენსიურ რეჟიმში, ასევე საზოგადოება. დამატებით მეტი დეტალი მოგვიანებით იქნება ცნობილი. ძალიან დიდი მადლობა ყველა იმ ადამიანს, სახელმწიფოს, მეგობარს, ორგანიზაციას, რომელიც ამ პერიოდის განმავლობაში ჩართული გახლდათ იმაში, რომ მიღწეულიყო ვაჟა გაფრინდაშვილია გათავისუფლება“, - განაცხადა ციხელაშვილმა.

ჟურნალისტის შეკითხვაზე, თუ რის საფუძველზე გათავისუფლდა ვაჟა გაფრინდაშვილი უკანონო პატიმრობიდან, ქეთევან ციხელაშვილმა ასე უპასუხა :

„აქ არანაირი დათმობაზე არაა საუბარი, რატომ გაათავისუფლეს კითხვა მგონია არასწორი, რატომ დაააკავეს საერთოდ? რა ვრცელდება ოსური და რუსული მედიით ეს სხვა საკითხია, რაც მეორე ხარისხოვანია, მნიშვნელოვანია ის, რომ ვაჟა გაფრინდაშვილი არის თავისუფალი და სწორედ ეს იყო ჩვენი მთავარი ამოცანა“, - განაცხადა ციხელაშვილმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 09.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ტერაბანკი ქალთა საერთაშორისო დღის აღსანიშნავად
Mastercard-ის ხელშეწყობით, ყოველთვიური ვებინარების სერია: „კოვიდ 19 გავლენა ტურიზმზე: საქართველოს და მსოფლიო ტურიზმის ტენდენციები“ დაიწყო