მართლაც ძალიან ძნელი იქნებოდა გათავისუფლება, რომ არა მთელი ქართული საზოგადოების, ჩვენი მეგობრების ერთიანობა და ოჯახის წევრების დღე და ღამე აქტიურობა,- ამის შესახებ პრემიერ-მინისტრის მრჩეველმა რეგიონულ საკითხებში სოზარ სუბარმა განაცხადა.
„ძალიან მძიმე დღეები გადავიტანეთ ყველამ ერთად, არა მარტო ოჯახმა, არა მარტო ჩვენ მისმა თანამოქალაქეებმა, არამედ ყველა კეთილი ნების ადამიანმა. არაერთი ზარი იყო ჩვენი მეგობრებისგან. ლატვიის ყოფილი პრეზიდენტი და უამრავი მეგობარი უცხოეთიდან ურეკავენ და კითხულობენ მის ამბავს, მისი ჯანმრთელობის ამბავს, ყველა ის ადამიანი, ვინც ჩართული იყო ამ გათავისუფლებაში. მართლაც ძალიან ძნელი იქნებოდა გათავისუფლება, რომ არა მთელი ქართული საზოგადოების, ჩვენი მეგობრების ერთიანობა და ოჯახის წევრების დღე და ღამე აქტიურობა“, - განაცხადა სოზარ სუბარმა.