პოლიტიკურმა გაერთიანებამ „ლელო საქართველოსთვის“ პოლიტიკური საბჭოს რიგით მე-2 სხდომა გამართა
პოლიტიკური გაერთიანების „ლელო საქართველოსთვის“ პოლიტიკური საბჭოს რიგით მე-2 სხდომა გაიმართა. როგორც „ინტერპრესნიუსს“ პოლიტიკური გაერთიანებიდან „ლელო საქართველოსთვის“ აცნობეს, პარტიის გენერალური მდივნის, ბადრი ჯაფარიძის წარდგინებით, პოლიტიკურმა საბჭომ პარტიის აღმასრულებელ პოზიციებზე აირჩია საბჭოს წევრები - ანა ნაცვლიშვილი და კახა ხაზარაძე.
ანა ნაცვლიშვილი დაიკავებს საზოგადოებრივ საქმეთა მდივნის პოზიციას, ხოლო კახა ხაზარაძე - პარტიის აღმასრულებელი მდივნის პოზიციას.
გენერალური მდივნის გადაწყვეტილებით, პარტიის საგარეო ურთიერთობათა სამსახურს უხელმძღვანელებს გრიგოლ გეგელია, ხოლო ახალგაზრდულ საქმეთა სამსახურს - საბა ბუაძე.
