საქართველოს ხელისუფლებისა და საერთაშორისო საზოგადოების ძალისხმევამ ნაყოფი გამოიღო - ასე გამოეხმაურა ესტონეთის საგარეო საქმეთა მინისტრი ურმას რეინსალუ ექიმ ვაჟა გაფრინდაშვილის საოკუპაციო რეჟიმის უკანონო პატიმრობიდან გათავისუფლების ფაქტს „ტვიტერის“ საკუთარ გვერდზე.
„საქართველოს ხელისუფლებისა და საერთაშორისო საზოგადოების ძალისხმევამ ნაყოფი გამოიღო. მოხარული ვარ, რომ ექიმი ვაჟა გაფრინდაშვილი თავისუფალია და თავის ოჯახთან დაბრუნება შეძლო“, - ნათქვამია ესტონეთის საგარეო საქმეთა მინისტრის მიერ გავრცელებულ განცხადებაში.
ცნობისთვის, ექიმი ვაჟა გაფრინდაშვილი უკანონო პატიმრობიდან დღეს გათავისუფლდა.