აშშ-ში ყველაზე მეტი მასობრივი მკვლელობა 2019 წელს მოხდა, - ამის შესახებ Associated Press-ის, USA Today-სა და Northeastern University-ის ერთობლივ კვლევაშია აღნიშნული.
მათი ინფორმაციით, შეერთებულ შტატებში წელს 41 მასობრივი მკვლელობის ფაქტი მოხდა, რასაც 211 ადამიანის სიცოცხლე ემსხვერპლა. აქედან 33 თავდასხმა ცეცხლსასროლი იარაღის გამოყენებით განხორციელდა.
ამავე მონაცემების თანახმად, 1970-იანი წლების შემდეგ 2019 წელს ყველაზე მეტი მასობრივი მკვლელობის ფაქტი დაფიქსირდა.
ყველაზე გახმაურებული მასობრივი მკვლელობები წელს ვირჯინია -ბიჩიზე, ტექსასის შტატის ქალაქ ელ-პასოსა და ნიუ-ჯერსის შტატის ქალაქ ჯერსი-სიტიში მოხდა.