ქარიშხალ „ფარფონის“ შედეგად, რომელსაც „ურსულასაც“ უწოდებენ, ფილიპინებზე 41 ადამიანი დაიღუპა . ამის შესახებ ადგილობრივი მედია იუწყება.
დაღუპულთა შორის არის სამი ნავის ეკიპაჟი, რომელთა ნავებიც ძლიერი ქარის შედეგად გადაბრუნდნენ. ამ დრომდე ცნობილი იყო 28 დაღუპულის შესახებ.
ქარიშხლის სიჩქარე, რომელიც 25 დეკემბერს დაიწყო, საათში 200 კილომეტრს შეადგენს.
ამ დრომდე, 9 ათასი ადამიანი დროებითი განთავსების ცენტრებში იმყოფება, სადაც ახალ წლამდე დარჩენა შეეძლებათ. მთლიანობაში კი, ქარიშხალმა 1.6 მილიონ ადამიანს შეუქმნა პრობლემა, დაზიანდა 260 ათასი სახლი, შეწყვეტილია ელექტროენერგია და ინტერნეტი.